- బీసీ సంక్షేమ శాఖ రవాణా శాఖ మంత్రి పొన్నం ప్రభాకర్.

- సంగీతం శ్రీనివాస్ జిల్లా అధ్యక్ష పదవి ప్రమాణ స్వీకారోత్సవం 

- రాజ్యసభ సభ్యులు వి హెచ్ హనుమంతరావు, 

- వేములవాడ శాసనసభ్యులు

- రాష్ట్ర ప్రభుత్వ విప్ ఆది శ్రీనివాస్

రాజన్న సిరిసిల్ల, నవంబర్ 30 (విజయ క్రాంతి): సిరిసిల్ల పట్టణంలో లహరి గార్డెన్ లో బలహీన మనస్తత్వం నుంచి బయటకు వచ్చి సర్పంచ్ ఎన్నికల్లో ధైర్యంగా కాంగ్రెస్ పార్టీ కార్యకర్తలు పోటీ చేసి విజయం సాధించాలని రవాణా శాఖ మంత్రి పొన్నం ప్రభా కర్ అన్నారు. ఆదివారం రాజన్న సిరిసిల్ల జిల్లా కాంగ్రెస్ పార్టీ అధ్యక్షులుగా ఎన్నికైన సంగీతం శ్రీనివాస్ యొక్క ప్రమాణ స్వీకారోత్సవానికి మంత్రి పొన్నం ప్రభాకర్, కాంగ్రెస్ పార్టీ సీనియర్ నేత విహెచ్ హనుమంతరావు, ప్రభుత్వ విప్ ఆది శ్రీనివాస్ లు ముఖ్య అతిథులుగా హాజరయ్యారు.

అమరవీరుల స్థూపానికి నివాళులు అర్పించి పాత బస్టాండ్ నుండి లహరి ఫంక్షన్ హాల్ వరకు భారీ ర్యాలీ నిర్వహించారు. లహరి ఫంక్షన్ హాల్ లో ఏర్పాటు చేసిన ప్రమాణస్వీకారోత్సవంలో మంత్రి పొన్నం ప్రభాకర్ పాల్గొని నూతనంగా ఎన్నికైన సంగీతం శ్రీనివాస్ చే ప్రమాణ స్వీకారం చేయించారు. ఈ సందర్భంగా మంత్రి పొన్నం ప్రభాకర్, హనుమం తరావు, ప్రభుత్వ విప్ ఆది శ్రీనివాస్ మాట్లాడారు. యూత్ కాంగ్రెస్ నాయకుడిగా ,జిల్లా కాంగ్రెస్ నాయకులుగా పని చేసి పరిశీలకులు , పీసీసీ చీఫ్ మహేష్ కుమార్ గౌడ్ నేతృత్వంలో ఎంపికయ్యారన్నారు.

జిల్లాలో కాంగ్రెస్ పార్టీ బలోపేతానికి కృషి చేయాలన్నారు. అందరిని కలుపుకొని ముందుకు పోయి జిల్లాలో నీ స్థానిక సంస్థల ఎన్నికలలో విజయం సాధించాలని అన్నారు.గత ప్రభుత్వం జిల్లాను విస్మరించిందని, నేతన్నలకు పెట్టిన బకాయిలను ప్రజా ప్రభుత్వం తీర్చిందన్నారు.ప్రజలు కాంగ్రెస్ పార్టీకి మద్దతుగా ఉన్నారునీ 9 వ ప్యాకెజ్ పూర్తి చేసి గతంలో మల్కాపేట రిజర్వాయర్ నుండి సుమారు 7000 ఎకరాలకు నీరు అందించామన్నారు. జిల్లాను అన్ని రంగాల్లో అభి వృద్ధి చేస్తున్నామన్నారు.

ప్రజా పాలన ప్రభుత్వంలో అమలు చేస్తున్న సంక్షేమ పథకాలను అభివృద్ధి కార్యక్రమాలను ప్రజల్లోకి తీసుకెళ్లాలన్నారు. ఉచిత బస్సు ప్రయాణం, రేషన్ కార్డులు, సన్న బియ్యం పంపిణీ,200 యూనిట్ల ఉచిత విద్యుత్, నియోజకవర్గంకి 3500 ఇందిరమ్మ ఇళ్లు మంజూరు ,మహి ళా సంఘాలకు వడ్డీలేని రుణాలు మంజూ రూ,రైతు రుణమాఫీ ,రైతు భరోసా, సన్నాలకు బోనస్, బోనస్ ఎన్నో పథకాలను అమలు చేస్తుందన్నారు. 2009 లో ఎంపీ గా గెలిచినప్పుడు 5 నియోజకవర్గాల్లో మె జారిటీ వచ్చి ఇక్కడ రాకపోయినప్పటికీ ఇక్క డి జడ్పీటీసీలు గెలుపొందారన్నారు.

సర్పంచులు ఎక్కువ గెలుచుకుంటే రాబోయే స్థాని క సంస్థల ఎన్నికలలో విజయం సాధించవచ్చు అన్నారు. గత ప్రభుత్వం రైతు రు ణమాఫీ చేయలేదు ,ఉద్యోగాలు ఇవ్వలేదు , డబుల్ బెడ్ రూంలు ఇవ్వలేదని విమర్శించారు.జిల్లా కాంగ్రెస్ అధ్యక్షుడిగా అందరినీ కలుపుకొని పోతూ సిరిసిల్ల మున్సిపల్ ఎన్నికల్లో విజయం సాధించాలన్నారు.జిల్లా మం త్రులుగా నేను ,శ్రీధర్ బాబు ,అడ్లూరి ,విప్ ఆది శ్రీనివాస్ , ఇతర ఎమ్మెల్యేలు ఈ జిల్లా లో ఉన్నాం పార్టీని బలోపేతం చేసుకొని ఇక్కడ జెండా ఎగురవేద్దాం అన్నారు.

సిరిసిల్ల నేతన్నలకు చేతి నిండా పని కల్పిం చడానికి మహిళా సంఘాలకు చీరలు ఇక్కడే తయారు చేయించామన్నారు.మిగతా జిల్లా ల కంటే సిరిసిల్లలో బలంగా ఉన్నామని చెప్పుకోవాలన్నారు. బలహీనంగా ఉన్నామనే భావన నుండి బయటకు రావాలని కార్యకర్తలకు సూచించారు. సర్పంచ్,స్థానిక సంస్థల ఎన్నికల్లో ఉమ్మడి కరీంనగర్ జిల్లా లో అన్ని స్థానాలు కైవసం చేసుకోవాలన్నారు. ఈ సందర్భంగా నూతనంగా ఎన్నికై న పార్టీ జిల్లా అధ్యక్షులు సంగీతం శ్రీనివాస్ ఈ ఎన్నికకు సహకరించిన ప్రతి ఒక్కరికి కృతజ్ఞతలు చెప్పారు.

పార్టీ బలోపేతానికి కృషి చేస్తూ ఎల్లవేళలా ప్రతి కార్యకర్తకు అందుబాటులో ఉంటానన్నారు. ఈ కార్యక్రమంలో కటకం మృత్యుంజయం, అంజని కుమార్, నాగుల సత్యనారాయణ, ఉమేష్ రావు, ఆకారపు భాస్కర్,వెలుముల స్వరూప తిరుపతిరెడ్డి, చొప్పదండి ప్రకాష్,కాముని వనిత, ఆకునూరి బాలరాజు, సూర దేవరా జు, గడ్డం నరసయ్య, చొక్కాల రాము, హరిలాల్, చంద్రకళ, బొప్ప దేవయ్య, మడుపు శ్రీదేవి, చంద్రగిరి శ్రీనివాస్ వివిధ మండలాల అధ్యక్షులు పార్టీ నాయకులు కార్యకర్తలు తదితరులు పాల్గొన్నారు.