దేవరకొండ మున్సిపాలిటీలో కాంగ్రెస్ క్లీన్ స్వీప్.. నలుగురు కో-ఆప్షన్ సభ్యులు ఏకగ్రీవంగా ఎన్నిక

దేవరకొండ,(విజయక్రాంతి): దేవరకొండ మున్సిపాలిటీలో మంగళవారం నిర్వహించిన కో-ఆప్షన్ సభ్యుల ఎన్నికల్లో కాంగ్రెస్ పార్టీ క్లీన్ స్వీప్ సాధించింది. మొత్తం 12 మంది కాంగ్రెస్ కౌన్సిలర్లతో పాటు 6 మంది బీఆర్‌ఎస్, ఒక బీజేపీ, ఒక స్వతంత్ర సభ్యుడు మద్దతు ఇవ్వడంతో ఎన్నిక ఏకగ్రీవంగా ముగిసింది. ఈ ఎన్నికల్లో గార్లపాటి దామోదర్, నేతాళ్ల భాగ్యలక్ష్మి, ఎం.డి. మైనోద్దిన్, ఏకుల శిపోరమ్మ కో-ఆప్షన్ సభ్యులుగా ఎన్నికయ్యారు. ఈ సందర్భంగా ఎమ్మెల్యే నేనావత్ బాలు నాయక్ విజేతలను అభినందిస్తూ పట్టణ అభివృద్ధికి కలిసి పనిచేయాలని పిలుపునిచ్చారు