కాంగ్రెస్ పార్టీ మరో కీలక అడుగు

హైదరాబాద్: తెలంగాణలోని పలు జిల్లాల్లో మండల, పట్టణ, డివిజన్ కాంగ్రెస్ అధ్యక్షుల ఎంపికకు జిల్లా పరిశీలకుల(Congress District Observers) నియామకం జరిగింది. తెలంగాణ ప్రదేశ్ కాంగ్రెస్ కమిటీ అధ్యక్షులు బి. మహేష్ కుమార్ గౌడ్(Congress Committee President B. Mahesh Kumar Goud) మండల/పట్టణ/డివిజన్ కాంగ్రెస్ అధ్యక్షుల అభ్యర్థుల జాబితా సిద్ధం చేసేందుకు పలు జిల్లాలకు జిల్లా పరిశీలకులను నియమిస్తూ ఉత్తర్వులు జారీ చేశారు. తక్షణమే ప్రక్రియను ప్రారంభించి, అభ్యర్థుల జాబితాలను ఆగస్టు 31లోగా సమర్పించాలని ఆదేశించారు. సంస్థాగత బలోపేతం దిశగా కాంగ్రెస్ పార్టీ మరో కీలక అడుగు అని మహేష్ గౌడ్ పేర్కొన్నారు.