చెట్టును బతికించారు.!

మహబూబాబాద్ (విజయక్రాంతి): కొత్తగా రోడ్డు వేస్తే రోడ్డుకు అడ్డుగా ఉన్న చెట్లను నేలకూల్చడం సాధారణంగా జరుగుతుంది. అయితే ఇందుకు భిన్నంగా మహబూబాబాద్ జిల్లా(Mahabubabad District) ఇనుగుర్తి మండలం కోమటిపల్లి గ్రామం నుండి ఇనుగుర్తి వరకు కొత్తగా గిరిజన సంక్షేమ శాఖ ఆధ్వర్యంలో తారు రోడ్డు నిర్మాణం జరిగింది. ఈ రోడ్డుకు మధ్యలో ఒక దగ్గర పెద్ద రావి చెట్టు అడ్డుగా ఉంది. అయితే ఆ చెట్టు పరిసర రైతులు చెట్టును కొట్టేయకుండా అలాగే ఉంచి రోడ్డు వేయడానికి స్థలం ఇచ్చి సహకరించారు. దీనితో గుత్తేదారు రోడ్డు మధ్యలో ఉన్న చెట్టును అలాగే ఉంచి చెట్టుకు ఇరువైపులా తారు రోడ్డు వేశాడు. దీనితో కొట్టేయకుండా చెట్టును బతికించడంతో బాటసారిలకు చల్లని నీడనిస్తూ ప్రత్యేకతను చాటుతోంది.