టేకులపల్లి (విజయక్రాంతి): మండల కేంద్రమైన టేకులపల్లిలో జరగబోయే గ్రామ పంచాయతీ ఎన్నికల్లో రౌడీ షీటర్లు సత్ప్రవర్తన కలిగి ఉండాలని, ఇల్లందు డీఎస్పీ చంద్రబాను, సీఐ బత్తుల సత్యనారాయణ, ఎస్ఐ ఆలకుంట రాజేందర్ లు ఆదివారం కౌన్సిలింగ్ నిర్వహించినట్లు తెలిపారు. ఎన్నికల కోడ్, శాంతిభద్రతల పరిరక్షణలో, భాగంగా మండలంలోని రౌడీషీటర్లకు, ఎటువంటి అవాంఛనీయ సంఘటనలు కానీ విద్వేష పూరిత గొడవలు, పాత కక్షలు లాంటివి, పునరావృతం చేయకుండా, సత్ప్రవర్తన కలిగి ఉంటే వారిపై, ఉన్న పాత కేసులు తీసివేసేందుకు, కృషి చేస్తామని వారు తెలిపారు.

గ్రామీణ స్థాయి నుండి మండల స్థాయి వరకు, శాంతి భద్రతలకు విఘాతం కలిగిస్తే, ఉపేక్షించేది లేదని స్పష్టం చేశారు. పోలీసుల సూచనలు పాటిస్తూ, ఎన్నికల నియమావళికి కట్టుబడి ఉండాలని, ప్రజలకు, శాంతి భద్రతలకు విఘాతం కలిగించకుండా ఉండాలని సూచించారు. సమస్యాత్మక అంశాలపై పోలీసులు నిఘా ఉంచారని పేర్కొన్నారు. ఈ కార్యక్రమంలో టేకులపల్లి సీఐ బత్తుల సత్యనారాయణ, ఎస్ ఐ ఆలకుంట రాజేందర్, పోలీస్ సిబ్బంది పాల్గొన్నారు.