కాంగ్రెస్ బాటలో CPI, CPI(M)— TVKకి మద్దతు

చెన్నై: విజయ్ నేతృత్వంలోని టీవీకే(తమిళగ వెట్రి కళగం) ప్రభుత్వ ఏర్పాటుకు సీపీఐ శుక్రవారం బేషరతుగా మద్దతు ప్రకటించింది. చర్చల అనంతరం మద్దతు ఇవ్వాలని నిర్ణయించుకున్న ఈ వామపక్ష పార్టీ, తదనుగుణంగా ప్రభుత్వ ఏర్పాటుకు బేషరతు మద్దతు లేఖను ఇచ్చిందని పార్టీ వర్గాలు తెలిపాయి. ఈ లేఖను తమిళనాడు గవర్నర్ ఆర్.వి. అర్లేకర్‌కు ఉద్దేశించి రాశారు. 234 మంది సభ్యులు కలిగిన తమిళనాడు శాసనసభలో CPIకి ఇద్దరు ఎమ్మెల్యేలు ఉన్నారు. ఏప్రిల్ 23న జరిగిన అసెంబ్లీ ఎన్నికల్లో 108 స్థానాలతో ఏకైక అతిపెద్ద పార్టీగా అవతరించినప్పటికీ, ప్రభుత్వాన్ని ఏర్పాటు చేయడానికి అవసరమైన 118 స్థానాల మెజారిటీ మార్కును చేరుకోవడంలో విఫలమైన TVKప్రభుత్వ ఏర్పాటుకు మద్దతు కోరుతూ DMK మిత్రపక్షాలైన CPI, CPI(M), VCKలను సంప్రదించిన నేపథ్యంలో వామపక్ష పార్టీ ఈ చర్యకు పూనుకుంది. దీంతో మూడ్రోజులుగా కొనసాగుతున్న ఉత్కంఠకు తెరపడింది.