calender_icon.png 29 November, 2025 | 5:43 PM

  • top-fb.png
  • top-tw.png
  • top-insta.png
  • top-yt.png

రేపటి నుండి డీఎడ్ పరీక్షలు

29-11-2025 05:00:45 PM

నిర్మల్ (విజయక్రాంతి): సోమవారం డిసెంబర్ 1 నుండి బోర్డ్ ఆఫ్ సెకండరీ ఎడ్యుకేషన్ తెలంగాణ వారి ఆధ్వర్యంలో డీఎడ్ మొదటి సంవత్సరం పరీక్షలు నిర్వహిస్తున్నట్లు నిర్మల్ జిల్లా విద్యాశాఖ అధికారి దర్శనం భోజన్న తెలిపారు. ఈ పరీక్షల కొరకు నిర్మల్ పట్టణంలోని ప్రభుత్వ ఉన్నత పాఠశాల కస్బా యందు పరీక్ష కేంద్రాన్ని ఏర్పరచినట్టు వెల్లడించారు. ప్రతిరోజు ఉదయం 9 గంటల నుండి మధ్యాహ్నం 12 గంటల వరకు ఈ పరీక్షలు నిర్వహించబడతాయని ఆలస్యమైతే అనుమతించేది లేదని స్పష్టం చేశారు.

ఈ పరీక్ష నిర్వహణ గాను చీఫ్ సూపర్డెంట్, డిపార్ట్మెంటల్ ఆఫీసర్, సిట్టింగ్ స్క్వాడ్ లతో పాటు ఇన్విజిలెటర్లను నియమించినట్లు తెలిపారు. పరీక్ష కేంద్రాల వద్ద మెడికల్ సిబ్బంది అందుబాటులో ఉంటారని వెల్లడించారు. పరీక్ష నిర్వహణ సమయంలో పరీక్ష కేంద్రం వద్ద 144 సెక్షన్ అమల్లో ఉంటుందని, సమీపంలోని జిరాక్స్ సెంటర్లన్నీ మూసి వేయబడి ఉంటాయని తెలిపారు. సీసీటీవీ పోలీస్ బందోబస్తు మధ్య ఈ పరీక్షలు జరగనున్నాయని వెల్లడించారు.