బీసీలను కామారెడ్డి డిక్లరేషన్ సాక్షిగా మోసం చేసింది..

కాంగ్రెస్ పార్టీని స్థానిక సంస్థల ఎన్నికల్లో మట్టి కరిపిస్తాము..

మాజీ మంత్రి సింగిరెడ్డి నిరంజన్ రెడ్డి..

వనపర్తి (విజయక్రాంతి): తెలంగాణ ఉద్యమం చరిత్రలో మర్చిపోలేని రోజు దీక్షా దివాస్ అని తెలంగాణ జాతిని ఏకం చేసిన కేసీఆర్ దీక్షా అని భావితరాలకు చరిత్ర తెలవాలని దీక్షా దివాస్ కార్యక్రమంను ఘనంగా నిర్వహించడం జరిగిందని మాజీ మంత్రి సింగిరెడ్డి నిరంజన్ రెడ్డి అన్నారు. దీక్షా దివాస్ కార్యక్రమంను శనివారం జిల్లా కేంద్రంలోని రాజీవ్ చౌరస్తాలో జిల్లా, పట్టణ పార్టీ ఆధ్వర్యంలో ఘనంగా నిర్వహించారు. ఈ సందర్బంగా మాజీ మంత్రి మాట్లాడుతూ.. ప్రపంచ ఉద్యమాల చరిత్రలో సువర్ణ అధ్యాయం దీక్షా దివాస్ అని రాజ్యాంగ బద్ధంగా, ప్రజాస్వామ్యబద్ధంగా సాగిన ఉద్యమమని ఆయన గుర్తుచేశారు. హింస ద్వారా కాకుండా అహింస ద్వారా రాష్టాన్ని సాధించిన ఘనత కేసీఆర్ కే దక్కిందన్నారు.

కాంగ్రెస్ అధ్యక్షులు మహేష్ గౌడ్ సంస్కారహీనగా కేసీఆర్ ఉద్యమం డూప్లికేట్ అనడాన్ని తీవ్రంగా ఖండిస్తున్నమన్నారు. తెలంగాణ ప్రక్రియ మొదలుపెడుతామని కాంగ్రెస్ మోసం చేసిందని పొత్తు పెట్టుకొని చంద్రబాబు మోసం చేశారని కేసీఆర్ 2009లో ఉద్యోగ గర్జన 3లక్షల మందితో బ్రహ్మాండంగా నిర్వహించారన్నారు. 2009లో కేసీఆర్ సచ్చుడో తెలంగాణ వచ్చుడో తెలాలని ఆమరణ దీక్ష ప్రారంభించారని దానితో విద్యార్థి ఉద్యమం ఉదృతంగా జరిగిందని కేసీఆర్ దీక్షతో 36 పార్టీలు తెలంగాణకు మద్దతు తెలిపారని అయన గుర్తు చేశారు. మాట ఇచ్చిన కాంగ్రెస్, అభ్యంతరం లేని బి.జె.పి ని ఒప్పించేందుకు 36 పార్టీలను ఏకతాటిపైకి తెచ్చింది కేసీఆర్ అని 36 పార్టీల మద్దతు లేఖలు ఇచ్చిన కాంగ్రెస్ వాయిదాలు వేసిందని అప్పుడు మొదలైంది 11 రోజుల దీక్షా దివాస్ కేసీఆర్  చేపట్టారన్నారు.

2013 వరకు ధూమ్ ధామ్, సకలజనుల సమ్మెలు, రాజీనామాలతో ఒత్తిడి తెచ్చి తెలంగాణ సమాజాని ఏకం చేసి 2014లో శ్రీ కృష్ణ కమిటీ ముందు ప్రజెంటేషన్ ఇవ్వడం జరిగిందని 2014లో కేసీఆర్ నాయకత్వములో సిద్ధించిందన్నారు. జూబ్లిహిల్స్ గెలిచి సంకలు గుద్దుతున్న కాంగ్రెస్ పార్టీని స్థానిక సంస్థల ఎన్నికల్లో మట్టి కరిపిస్తామని రాస్థాన్ని అవగాహన లేని వారు పాలిస్తున్నారని ప్రశ్నిస్తే కేసులు పెడుతూ సోషల్ మీడియాలో పోస్టులు పెట్టించి మా చిత్తశుద్ధిని బలహీన పరుచలేరన్నారు. ఈ రాష్ట్రాన్ని పరోక్షంగా ఆంధ్రా నాయకులు తేలుతున్నారని సాగు నీటి దోచుకోవడానికి కుట్రలు పన్నుతున్నారని 90శాతం పూర్తి అయిన పాలమూరు రంగారెడ్డి ప్రాజెక్టును కాంగ్రెస్ పడావు పెట్టారని వెంటనే  పాలమూరు, రంగారెడ్డి ప్రాజెక్టును పూర్తి చేయాలని అయన డిమాండ్ చేశారు. బి. సిలను కామారెడ్డి డిక్లరేషన్ సాక్షిగా మోసం చేసిందని  42 శాతం రిజర్వేషన్లు మూలకు వేసి 17శాతానికి తెచ్చి బి. సిలను నట్టేట ముంచిందని, నమ్మకద్రోహం చేసిన కాంగ్రెస్ పార్టీకి బుద్ధి చెప్పాలని అయన పిలుపునిచ్చారు. ఈ కార్యక్రమంలో జిల్లా అధ్యక్షులు గట్టు యాదవ్, జిల్లా అధికార ప్రతినిధి వాకిటి శ్రీధర్, పట్టణ పార్టీ అధ్యక్షులు రమేష్ గౌడ్ తదితరులు పాల్గొన్నారు