‘మా’ డైరీని ఆవిష్కరించిన డిప్యూటీ సీఎం

‘మా’ (మూవీ ఆర్టిస్ట్ అసోసియేషన్) నూతన డైరీని తెలంగాణ రాష్ట్ర ఉప ముఖ్యమంత్రి మల్లు భట్టి విక్రమార్క  సోమవారం ఆవిష్కరించారు. ‘మా’ సభ్యుల కోసం చేపడుతున్న ఆరోగ్య అవగాహన కార్యక్రమాలు, హెల్త్ చెకప్‌లు, సభ్యుల సంక్షేమం కోసం కార్యవర్గం చేపడుతున్న కార్యక్రమాలను అధ్యక్షుడు విష్ణు మంచు ఈ సందర్భంగా డిప్యూటీ సీఎంకు వివరించగా, ఆయన అభినందించారు. ప్రజాభవన్‌లో జరిగిన ఈ కార్యక్రమంలో ‘మా’ ఉపాధ్యక్షుడు మాదాల రవి, కోశాధికారి శివ బాలాజీ, ఎగ్జిక్యూటివ్ కమిటీ మెంబర్లు జయవాణి, మలక్‌పేట్ శైలజ, శివనారాయణ, శశాంక్, హరనాథ్‌బాబు, మానిక్, సంపూర్ణేశ్‌బాబు, ఎంఆర్‌సీ వడ్లపట్ల తదితరులు పాల్గొన్నారు.