5 May, 2026 | 7:03 PM 
శ్రీవారి సర్వదర్శనానికి 24 గంటల సమయం
15-09-2024 09:53 AM
అమరావతి: పవిత్ర పుణ్యక్షేత్రం తిరుమల తిరుపతి దేవస్థానంలో ఆదివారం భక్తుల రద్దీ నెలకొంది. తిరుమలలో టోకెన్లు లేని భక్తులకు శ్రీవారి సర్వదర్శనానికి 24 గంటల సమయం పడుతోందని ఆలయ అధికారులు వెల్లడించారు. తిరుమల శ్రీ వెంకటేశ్వర స్వామి సర్వదర్శనానికి కృష్ణతేజ అతిథి గృహం వరకు భక్తులు వేచిఉన్నారు. నిన్న శ్రీవారిని 80,735 మంది భక్తులు దర్శించుకున్నారు. 40,524 మంది భక్తులు శ్రీవారికి తలనీలాలు సమర్పించారు. తిరుమలలో నిన్న శ్రీవారి హుండీ ఆదాయం రూ. 3.19 కోట్లు వచ్చినట్లు తిరుమల తిరుపతి దేవస్థానంప్రకటించింది.
