ధనుష్ ఇడ్లీ కడై

‘రాయన్’తో బ్లాక్‌బస్టర్ సక్సెస్ అందుకున్న స్టార్ హీరో ధనుష్ తర్వాతి ప్రాజెక్టు ‘డీ52’ను ప్రకటించారు. ధనుష్ హీరో, డైరెక్టర్‌గా రాబోతున్న ఈ మూవీకి ‘ఇడ్లీ కడై’ అనే ఆసక్తికరమైన టైటిల్‌ను ఖరారు చేశారు. దీనికి తెలుగులో ‘ఇడ్లి దుకాణం’ అని అర్థం కాగా, ఈ చిత్రాన్ని డాన్ పిక్చర్స్, వండర్‌బార్ ఫిల్మ్స్ బ్యానర్లపై ఆకాశ్ బాస్కరన్ నిర్మిస్తున్నారు. డైరెక్టర్‌గా ధనుష్‌కు ఇది నాలుగో మూవీ. ఇండ్లీ బండి దగ్గర పిల్లలు నిల్చున్న టైటిల్ అనౌన్స్‌మెంట్ పోస్టర్ ప్లజెంట్‌గా ఉంది. ఈ పోస్టర్ ప్రస్తుతం సోషల్ మీడియాలో వైరల్ అవుతోంది. నిర్మాత ఆకాశ్ బాస్కరన్ మాట్లుడుతూ.. ‘ఇది మా ప్రొడక్షన్ హౌస్‌కు ఒక మైల్ స్టోన్ మూవీ. ధనుష్ సర్‌తో కలిసి మా తొలి ప్రాజెక్ట్ చేయడం ఆనందంగా ఉంది. ఈ అవకాశం ఇచ్చిన ధనుష్ గారికి థాంక్ యూ’ అని పేర్కొన్నారు. ఈ చిత్రానికి సంగీతం: జీవీ ప్రకాశ్‌కుమార్; డీవోపీ: కిరణ్ కౌశిక్; ఎడిటర్: ప్రసన్న జీకే; ప్రొడక్షన్ డిజైనర్: జాకీ. మిగతా నటీనటులు సంబధించిన వివరాలు మేకర్స్ త్వరలో తెలియజేయనున్నారు.