ట్రాఫిక్ నిబంధనలు గాలికొదిలేసిన ధరణి కంప్యూటర్ ఆపరేటర్

ట్రిపుల్ రైడింగ్ చేస్తూ కెమెరాకు చిక్కిన ప్రభుత్వ సిబ్బంది..

చర్యలు తీసుకోవాలని స్థానికుల డిమాండ్

మల్దకల్, జూలై 11: జోగులాంబ గద్వాల జిల్లా మల్దకల్ మండల కేంద్రంలో ట్రాఫిక్ నిబంధనలను ఉల్లంఘిస్తూ తహసీల్దార్ కార్యాలయంలో విధులు నిర్వహిస్తున్న ఓ ధరణి కంప్యూటర్ ఆపరేటర్ ద్విచక్ర వాహనంపై మరో ఇద్దరితో కలిసి ట్రిపుల్ రైడింగ్ చేస్తూ వెళ్లిన ఘటన స్థానికంగా చర్చనీయాంశమైంది. స్థానికుల కథనం ప్రకారం, మల్దకల్ తహసీల్దార్ కార్యాలయంలో ధరణి పోర్టల్‌కు సంబంధించిన సేవలు నిర్వహిస్తున్న కంప్యూటర్ ఆపరేటర్ మరో ఇద్దరితో కలిసి ఒకే ద్విచక్ర వాహనంపై ప్రయాణిస్తూ కెమెరాకు చిక్కారు.

ప్రజలకు చట్టాలను పాటించాల్సిన అవసరాన్ని చెప్పాల్సిన ప్రభుత్వ కార్యాలయ సిబ్బందే ట్రాఫిక్ నిబంధనలను బహిరంగంగా ఉల్లంఘించడం పట్ల పలువురు అసంతృప్తి వ్యక్తం చేస్తున్నారు. సాధారణ ప్రజలు ట్రాఫిక్ నిబంధనలు ఉల్లంఘిస్తే వెంటనే ఈ-చలాన్లు విధిస్తున్న అధికారులు, ప్రభుత్వ సిబ్బంది విషయంలో కూడా అదే విధంగా వ్యవహరించాలని స్థానికులు కోరుతున్నారు. చట్టం ముందు అందరూ సమానమేనని, నిబంధనలు ఉల్లంఘించిన వారెవరైనా ఒకే ప్రమాణాలు వర్తించాలని అభిప్రాయపడుతున్నారు.

చర్యలు తీసుకోవాలని డిమాండ్