అంగన్‌వాడీ కేంద్రంలో పోషకాహార వస్తువుల పంపిణీ

​వాంకిడి, (విజయక్రాంతి):వాంకిడి మండలంలోని బంబార గ్రామంలోని అంగన్వాడి కేంద్రంలో గురువారం చిన్నారులకు, గర్భిణీలకు, బాలింత మహిళలకు ప్రభుత్వం అందజేస్తున్న పోషకాహార వస్తువులను గ్రామ సర్పంచ్ బెండారే కృష్ణాజీ పంపిణీ చేశారు. ఈ సందర్భంగా లబ్ధిదారులకు ఉక్కుమారవ్వ, మురుకులు, బియ్యం, గుడ్లు, పల్లి పట్టీలు వంటి తదితర వస్తువులను  అందజేశారు.​ఈ సందర్భంగా సర్పంచ్ మాట్లాడుతూ.. చిన్నారులు ఆరోగ్యంగా ఎదగడానికి పోషకాహారం ఎంతో అవసరమని, ప్రభుత్వం అందిస్తున్న పోషకాహార పదార్థాలను సద్వినియోగం చేసుకోవాలని ఆయన సూచించారు. అంగన్వాడి కేంద్రాల ద్వారా అందుతున్న సేవలు గ్రామ ప్రజలకు ఎంతో ఉప యోగకరంగా ఉన్నాయని తెలిపారు. ఈ కార్యక్రమంలో ఉపసర్పంచ్ జాడే సంతోష్, పంచాయతీ కార్యదర్శి దుర్గం ధర్మయ్య, అంగన్వాడి టీచర్లు సువర్ణ, సరిత, అంగన్వాడి ఆయా, సిబ్బంది తదితరులు పాల్గొన్నారు.