యోగా చేయండి.. ఆరోగ్యాన్ని కాపాడుకోండి..

సైంటిస్ట్ పైడి ఎల్లారెడ్డి..

తాడ్వాయి (విజయక్రాంతి): యోగా చేయండి... ఆరోగ్యాన్ని కాపాడుకోండని ప్రముఖ సైంటిస్ట్ పైడి ఎల్లారెడ్డి తెలిపారు. కామారెడ్డి జిల్లా తాడ్వాయి మండల కేంద్రంలోని ఉన్నత పాఠశాల ఆవరణలో శనివారం అంతర్జాతీయ యోగా దినోత్సవం(International Yoga Day) సందర్భంగా ప్రత్యేక కార్యక్రమం నిర్వహించారు. ఈ కార్యక్రమానికి ముఖ్య అతిథిగా ప్రముఖ సైంటిస్ట్ ఎల్లారెడ్డి విచ్చేసి మాట్లాడారు. ప్రతి ఒక్కరూ యోగ చేయాలని యోగాతో ఆరోగ్యాన్ని కాపాడుకోవచ్చని సూచించారు. యోగా మన జీవితంలో ఒక భాగంగా మారాలన్నారు. తాను ఇదే తాడువాయి పాఠశాలలో చదువుకొన్నానానని ఈ పాఠశాల అభివృద్ధికి తన వంతు కృషి చేస్తానన్నారు. పాఠశాలలో మెరుగైన సౌకర్యాలు కల్పిస్తానని హామీ ఇచ్చారు. ఈ కార్యక్రమంలో నాయకులు పాటిమీది గంగారెడ్డి, అంబీర్ శ్యామ్ రావు, సంజీవులు, సంతోష్ రెడ్డి, వెంకట్ రెడ్డి తదితరులు పాల్గొన్నారు.