డాక్టర్ అరవింద్‌కు సుమన్ టీవీ ఉత్తమ డాక్టర్‌గా అవార్డు

అభినందనలు తెలిపిన మాజీ మంత్రి హరీష్ రావు

సిద్దిపేట, జూన్ 15 (విజయక్రాంతి): సిద్దిపేటకు చెందిన తెలంగాణ సూపర్ స్పెషాలిటీ డెంటల్ ఆసుపత్రి డాక్టర్ అరవింద్ ను ప్రఖ్యాత సుమన్ టీవీ అవార్డు వరించింది. దశాబ్ద కాలంగా సిద్దిపేట ప్రాంతంలో వైద్యుడిగా సేవలు అందిస్తూనే, సామాజిక సేవా కార్యక్రమాలు చేపడుతున్న డాక్టర్ అరవింద్ ను ఉత్తమ వైద్యుడిగా సుమన్ టీవీ ఎంపిక చేసింది.

ఆదివారం హైదరాబాదులో గల నోవాటెల్  హోటల్లో జరిగిన ప్రత్యేక కార్యక్రమంలో ఆయన ఈ అవార్డు అందుకున్నారు. కాగా సిద్దిపేట నుంచి సుమన్ టీవీ అవార్డు అందుకోవడం అభినందనీయమని మాజీ మంత్రి, ఎమ్మెల్యే హరీష్ రావు ప్రశంసించారు. ఈ అవార్డు స్ఫూర్తితో మరిన్ని ఆదర్శవంతమైన కార్యక్రమాలు చేపట్టాలని కొనియాడారు.