కోల్‌కతా: బంగ్లాదేశ్‌లోని నర్సింగ్డిలో శుక్రవారం ఉదయం 5.7 తీవ్రతతో భూకంపం సంభవించడంతో కోల్‌కతాతో సహా దక్షిణ బెంగాల్‌లోని అనేక ప్రాంతాల్లో ప్రకంపనలు సంభవించాయని భారత వాతావరణ శాఖ (India Meteorological Department )తెలిపింది. పొరుగు దేశంలోని నర్సింగ్డికి నైరుతి దిశలో ఉదయం 10.08 గంటలకు 13 కి.మీ దూరంలో, 10 కి.మీ లోతులో భూకంపం సంభవించిందని తెలిపింది. భూకంపం కారణంగా నివాసితులు భయాందోళనకు గురై ఇళ్ల నుండి బయటకు పరుగులు తీశారు. భూకంపంతో ప్రజలకు ఎటువంటి గాయాలు, నష్టం జరిగినట్లు తక్షణ నివేదికలు లేవని అధికారులు తెలిపారు. స్థానిక కాలమానం ప్రకారం ఉదయం 10:30 గంటలకు సంభవించిన భూకంప కేంద్రం ఢాకా ఈశాన్య శివార్లలోని నర్సింగ్డి అని వాతావరణ శాఖ అధికారులు తెలిపారు.