హైదరాబాద్: నాగారం భూ కేటాయింపుల కేసులో మాజీ ఆర్డీవోకు సమన్లు జారీ అయ్యాయి. మాజీ ఆర్డీవో వెంకటాచారికి ఈడీ నోటీసులు జారీ చేసింది. ఐఏఎస్, అమోయ్ కుమార్, తహసీల్దార్ జ్యోతి విచారణ ఆధారంగా నోటీసులు పంపింది. ఈ నెల 7న విచారణకు హాజరుకావాలని వెంకటాచారికి నోటీసుల్లో ఆదేశించింది. సర్వే నంబర్ 181 లోని 42 ఎకరాలు కేటాయింపుపై ఈడీ దర్యాప్తు చేస్తోంది. మెహదీపట్నం వాసి షరీఫ్ ఫిర్యాదు మేరకు మహేశ్వరం పోలీస్ స్టేషన్ లో కేసు నమోదు అయింది. గతేడాది మార్చిలో పోలీసులు కేసు నమోదు చేశారు. పోలీసు కేసు ఆధారంగా ఈడీ అధికారులు దర్యాప్తు చేస్తున్నారు.