హైదరాబాద్: ఖమ్మం జిల్లా సత్తుపల్లికి చెందిన పామర్తి దినేష్ (22) అనే ఇంజనీరింగ్ విద్యార్థి(Engineering Student) శుక్రవారం అంబేద్కర్ కోనసీమ వాడపల్లి సమీపంలోని గోదావరి(Godavari river) నదిలో గల్లంతయ్యాడు. దినేష్ తన స్నేహితులతో కలిసి వాడపల్లికి వెంకటేశ్వర స్వామి ఆలయాన్ని సందర్శించడానికి వెళ్లాడు. ఆ బృందం స్నానం కోసం నదిలోకి దిగినప్పుడు ఈ సంఘటన జరిగింది. మిగిలిన వారు సురక్షితంగా తిరిగి రాగా, దినేష్ నీటిలో తప్పిపోయినట్లు సమాచారం. స్థానిక అధికారులు గాలింపు చర్యలు ప్రారంభించారు. తప్పిపోయిన విద్యార్థిని కనుగొనే ప్రయత్నాలు కొనసాగుతున్నాయి. ఈ ఘటపై కేసు నమోదు చేసుకున్న పోలీసులు దర్యాప్తు చేస్తున్నారు.