పర్యాటకులు చూస్తుండగానే జలపాతంలో దూకి రైతు ఆత్మహత్య..

హైదరాబాద్: ఆదిలాబాద్ జిల్లా(Adilabad District) బోథ్ మండలంలోని పొచ్చెర గ్రామంలో కుటుంబ కలహాల కారణంగా తీవ్ర మనస్తాపానికి గురైన ఒక వృద్ధుడు జలపాతంలో దూకి ఆత్మహత్య చేసుకున్నాడు. నేరడిగొండ మండలం తేజాపూర్ గ్రామానికి చెందిన గడ్డం నర్సారెడ్డి (58) పర్యాటకులు చూస్తుండగానే జలపాతంలో దూకి ఆత్మహత్య చేసుకున్నాడని, సందర్శకులు ఎవరూ ఆపలేకపోయారని పోలీసులు తెలిపారు.

నర్సారెడ్డి పెద్ద కుమారుడు అజయ్ రెడ్డి, నర్సారెడ్డి తన చిన్న కుమారుడు అశ్విత్ రెడ్డితో ఆస్తులు పంచుకోవడంలో జరిగిన గొడవ తర్వాత ఆయన నిరాశకు గురయ్యారని ఆరోపించారు. అశ్విత్ రెడ్డి బలహీన వర్గానికి చెందిన అమ్మాయిని వివాహం చేసుకుని నిర్మల్‌లో ఉంటున్నారు. గురువారం ఎవరూ లేనప్పుడు ఆస్తిలో వాటా కోరుతూ తేజాపూర్‌కు వచ్చి నర్సారెడ్డితో వాగ్వాదానికి దిగారు. నర్సారెడ్డి అప్పుల బాధతో తన పొలం కౌలుకు ఇచ్చాడు. పంట దిగుబడి సారిగ్గా లేక, తన ఎద్దులను కూడా అమ్ముకున్నాడు. నర్సారెడ్డి తనకున్న రూ.13 లక్షల అప్పు తీర్చే మార్గం లేక బోథ్ మండల పరిధిలోని పొచ్చర జలపాతం(Pochera Water Falls)లో దూకి ఆత్మహత్య చేసుకున్నాడని గ్రామస్థులు తెలిపారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.