కిమ్స్‌లో ఫెలోషిప్ డ్రైవ్ షురూ

హైదరాబాద్, మే 6 (విజయక్రాంతి): కిమ్స్ హాస్పిటల్స్ ఆర్థోపెడిక్ విద్యా రంగం, స్పోర్ట్స్ మెడిసిన్‌లో కీలక మైలురాయిని సాధించింది. తెలంగాణ, ఆంధ్రప్రదేశ్ రాష్ట్రా ల్లో క్రీడా గాయాలు, ఆర్థ్రోస్కోపీపై అంతర్జాతీయ గుర్తింపు పొందిన తొలి ఫెలోషిప్ కార్యక్రమాన్ని ప్రారంభించింది. ఈ ప్రతిష్టాత్మక ఫెలోషిప్ సాధారణ ఆర్థోపెడిక్ శిక్షణ, క్రీడాకారులు, శారీరకంగా చురుకైన వ్యక్తులకు అవసరమైన ప్రత్యేక నైపుణ్యాల మధ్య ఉన్న అంతరాన్ని తగ్గించేందుకు రూపొందించబడింది.

తక్కువ కోతలతో చేసే ఆధునిక శస్త్రచికిత్సలపై డిమాండ్ పెరుగుతున్న నేపథ్యంలో, స్పోర్ట్స్ మెడిసిన్‌లో ప్రత్యేక శిక్షణ అవసరం మరింత పెరిగింది. ఆర్థ్రోస్కోపీ అనే ఈ మినిమల్ ఇన్వేసివ్ శస్త్రచికిత్స పద్ధతి చిన్న జాయింట్ స్థలాల్లో అధునాతన పరికరాలు, ఫైబర్ ఆప్టిక్ కెమెరా సహాయంతో పని చేసే నైపుణ్యాన్ని కోరుతుంది. ఏసీఎల్ పునర్నిర్మాణం, లాబ్రల్ రిపేర్, కార్టిలేజ్ రీస్టోరేషన్ వంటి శస్త్రచికిత్సలు అత్యంత ఖ చ్చితత్వంతో చేయాల్సి ఉంటుంది.

ఈ ఫెలోషిప్ ద్వారా వైద్యులకు ఈ నైపుణ్యాలను స మగ్రంగా అందించనుంది. ఈ కార్యక్రమం లో మోకాలి, భుజం, నడుము జాయింట్ల రీకన్స్ట్రక్టివ్ ఆర్థ్రోస్కోపీతో పాటు స్పోర్ట్స్ మెడిసిన్, జాయింట్ ప్రిజర్వేషన్ సర్జరీలో ప్రత్యేక శిక్షణ అందించబడుతుంది. ప్రాక్టికల్ శస్త్రచికిత్స అనుభవంతో పాటు సైద్ధాంతిక బోధనను కలిపి, ఖచ్చితమైన శస్త్రచికిత్స, క్రీడలకు సంబంధించిన గాయాల అంచనా, పు నరావాస విధానాలు, ఆధారిత వైద్య విధానాలపై దృష్టి సారించబడుతుంది. ఈ ఫెలో షిప్ ప్రత్యేకత ఏమిటంటే శస్త్రచికిత్స నైపుణ్యాలతో పాటు పరిశోధన, రోగి కేంద్రిత సేవల ను సమన్వయం చేయడం.

క్రీడలకు సంబంధించిన కదలికలు, గాయాల స్వభావంపై లోతైన అవగాహన కల్పించడం ద్వారా సా ధారణంగా గుర్తించలేని చిన్న గాయాలను కూడా సరిగ్గా నిర్ధారించగల సామర్థ్యం వై ద్యులకు పెరుగుతుంది. కిమ్స్ హాస్పిటల్స్ ఎప్పటినుంచో సెంటర్స్ ఆఫ్ ఎక్సలెన్స్ అభివృద్ధికి ప్రాధాన్యత ఇస్తూ, మెరుగైన చికిత్స ఫలితాలతో పాటు నిపుణుల తయారీకి కట్టుబడి ఉంది. ఈ ఫెలోషిప్‌నకు లభించిన అంత ర్జాతీయ గుర్తింపు, సంస్థ వైద్య నైపు ణ్యం, గ్లోబల్ ప్రమాణాలపై ఉన్న నిబద్ధతకు నిదర్శనం.

ఈ ఫెలోషిప్ కార్యక్రమానికి డైరెక్టర్, ఆర్థ్రోస్కోపీ, స్పోర్ట్స్ మెడిసిన్ హెచ్‌ఓడీ డాక్టర్ ఆర్‌ఏ పూర్ణచంద్ర తేజస్వి నాయకత్వం వహిస్తున్నారు. ఆయన మార్గదర్శక త్వంలో ఈ కార్యక్రమం దేశంలో ఆధునిక ఆర్థోపెడిక్ శిక్షణకు మార్గదర్శిగా నిలవనుం ది. ఈ సందర్భంగా డాక్టర్ ఆర్‌ఏ పూర్ణచంద్ర తేజస్వి మాట్లాడుతూ క్రీడా గాయాల చికిత్స నాణ్యతను మెరుగుపరచగలమని తెలిపారు.