మందమర్రి (విజయక్రాంతి): పట్టణ ఫోటో అండ్ వీడియో గ్రాఫర్స్ వెల్ఫేర్ అసోసియేషన్ ఆధ్వర్యంలో చనిపోయిన సభ్యుల పిల్లల చదువుల కోసం ఆర్థిక సాయం అందజేశారు. పట్టణంలోని ఫోటో భవన్లో ఆదివారం ఏర్పాటు చేసిన కార్యక్రమంలో తెలంగాణ రాష్ట్ర ఫోటో అండ్ వీడియో గ్రాఫర్స్ సంక్షేమ సంఘం కుటుంబ భరోసా మిగులు నిధుల నుండి ఒక్కొక్కరికి 5000/- రూపాయల చొప్పున మొత్తం నలుగురి పిల్లలకు 20000/-రూపాయల చెక్ ను బాధిత కుటుంబాలకు అందజేశారు. ఈ సందర్భంగా పట్టణ అధ్యక్షులు పసుల వెంకటస్వామి మాట్లాడుతూ ఫోటో వీడియో గ్రాఫర్స్ సంక్షేమానికి అసోసియేషన్ చిత్తశుద్ధితో కృషి చేస్తుందన్నారు. ఈ కార్యక్రమంలో పట్టణ ప్రధాన కార్యదర్శి ఆడెపు అశోక్ కుమార్, వర్కింగ్ ప్రెసిడెంట్ వలస మణిరజ్, మాజీ ఉపాధ్యక్షులు కామెర గణేష్, కార్యదర్శి బాణావత్ కృష్ణ, ప్రచార కార్యదర్శి రామస్వామి సురేందర్ లు పాల్గొన్నారు.