* ఒక చెంచా నిమ్మరసం, దాల్చిన చెక్క పొడి, తేనె కలిపిన మిశ్రమాన్ని కుదుళ్లకు రాయాలి. జుట్టు పలచగా ఉన్న ప్రాంతాల్లో అలాగే చుండ్రు ఉన్నచోట ఈ పేస్టును అప్లు చేసి మృదువుగా పది నిమిషాలపాటు మర్దన చేయాలి. అరగంట తర్వాత షాంపూతో తలస్నానం చేస్తే కుదుళ్లకు పోషకాలు అందుతాయి. కురుల మొదళ్లు ఆరోగ్యంగా మారి జుట్టు పెరుగుదలకు తోడ్పడుతాయి.

* చెంచా నిమ్మరసానికి ఒక గుడ్డు సొనను కలపాలి. ఈ మిశ్రమాన్ని కుదుళ్లకు బాగా పట్టించి ఆరనిచ్చి స్నానం చేస్తే చాలు. ప్రోటీన్లు, విటమిన్లు, ఫ్యాటీయాసిడ్లు మెండుగా ఉండే గుడ్డు సొన జుట్టుకు పోషణనిచ్చి, కురులు పెరగడానికి దోహదపడుతుంది. 

* ఒక గిన్నెలో చెంచా నిమ్మరసం, రెండు చెంచాల కలబంద గుజ్జు వేసి మృదువైన జెల్‌గా మారేవరకు బాగా కలపాలి. జుట్టు రాలిన చోట దీన్ని రాసి చర్మం పీల్చుకునేవరకూ మృదువుగా మర్దన చేసి, అరగంట ఆరనిచ్చి తలస్నానం చేయాలి. దీనివల్ల మాడుపై పీహెచ్‌స్థాయులు సమన్వయమవుతాయి.