కన్నతల్లి జాడ కోసం పెంపుడు తల్లిదండ్రుల అన్వేషణ

గిరిజన గ్రామాల్లో డెన్మార్క్ దంపతులు పర్యటన

ఉట్నూర్, ఫిబ్రవరి 1 (విజయక్రాంతి): దత్తత తీసుకున్న కొడుకు అర్జున్ అలియాస్ డానీష్ కు జన్మనిచ్చిన తల్లి కోసం దత్తత తీసుకున్న డెన్మార్క్‌కు చెందిన దంపతులు అదిలాబాద్ జిల్లాకు వచ్చి బాబుకు జన్మనిచ్చిన తల్లి కోసం గిరిజన గ్రామాల్లో అన్వేషి స్తున్నారు. వారు తెలిపిన వివరాల ప్రకారం.. 2016లో జిల్లా కేంద్రంలోని రిమ్స్ లో చేతికి సగం వేళ్ళు ఉన్నాయని కన్నవారు బాలున్ని వదిలేసి వెళ్తే, భారతదేశ చట్టం ప్రకారంగా ఆ బాబుని తాము దత్తత తీసుకొని పెంచుకుంటున్నామని డెన్మార్క్ దేశం నుంచి వచ్చిన దంపతులు లూయిస్, రాస్మస్ తెలిపారు.

ప్రస్తుతం 9 ఏళ్ల ఈ బాబు చేతి వేళ్ళ ను చూసి కన్నతల్లి గుర్తిస్తే ఆ మాతృమూర్తికి తమ వంతు ఆర్థిక సాయం చేస్తామని, ఆ కుటుంబంతో ఎల్లప్పుడూ బంధుత్వం కొనసాగిస్తామని చెప్పారు. ఆదివారం ఇంద్రవెల్లి మండలంలోని చిల్లటి గూడ, టేకిడి గూడా, నార్నూర్ మండలంలోని చోర్ గావ్, సుంగాపూర్ తదితర గిరిజన గ్రామాల్లో పర్యటిం చారు. వారి వెంట ఢిల్లీ న్యాయవాది అంజలి పవార్, సిడబ్ల్యుసి మాజీ చైర్మన్  యాకూబ్ బేగ్, సర్పంచులు పేందూరు లక్ష్మణ్, కుమ్రా ధర్ము, గిరిజనులు పాల్గొన్నారు.