అభివృద్ధి పనులకు శంకుస్థాపన

ముకరంపుర, ఆగస్టు 21(విజయ క్రాంతి): కరీంనగర్ నగరపాలక సంస్థ పరిధిలో అభివృద్ధి పనుల్లో భాగంగా 2వ, 12వ డివిజన్లలో పలు అభివృద్ధి పనులకు నగర మేయర్ కొలగాని శ్రీనివాస్  శంకుస్థాపన చేశారు.2వ డివిజన్‌ లో మున్సిపల్ సాధారణ నిధులతో చేపట్టనున్న CC రోడ్డు నిర్మాణ పనులకు నగర మేయర్ కొలగాని శ్రీనివాస్ శంకుస్థాపన చేశారు. అనంతరం 12వ డివిజన్ విఘ్నేశ్వర కాలనీలో UIDF నిధులతో చేపట్టనున్న పలు అభివృద్ధి పనులకు శంకుస్థాపన చేశారు. రోడ్లు, డ్రైనేజీ తదితర మౌలిక వసతుల అభివృద్ధితో కాలని వాసులకు మెరుగైన సౌకర్యాలు అందుబాటులోకి వస్తాయని మేయర్ పేర్కొన్నారు.ఈ కార్యక్రమంలో డిప్యూటీ మేయర్ వై. సునీల్ రావు, 12వ డివిజన్ కార్పొరేటర్ చొప్పరి జయశ్రీ వేణు, మున్సిపల్ అధికారులు, డివిజన్ ప్రజలు, కాలనీవాసులు తదితరులు పాల్గొన్నారు.