ఎల్బీనగర్: మాధవాస్ న్యూరో క్లినిక్ ఆధ్వర్యంలో ఆదివారం ఎల్బీనగర్ లోని శివగంగా కాలనీ ఉచిత వైద్య శిబిరం నిర్వహించారు. వైద్య శిబిరాన్ని కాలనీ అధ్యక్షులు శ్రీ లక్ష్మీపతి గౌడ్, శ్రీనివాస్, అజయ్‌కుమార్ సహకారంతో ఏర్పాటు చేశారు. ప్రఖ్యాత న్యూరో సర్జన్ డాక్టర్ హేమంత్ కలకుంత్ల, డాక్టర్ కీర్తి వైద్య బృందం కాలనీ ప్రజలకు నరాల సంబంధిత సమస్యలపై ప్రత్యేక పరీక్షలు, సలహాలు అందించారు. తలనొప్పులు, మెడ నొప్పులు, నడుము నొప్పి, మైగ్రేన్, వణుకులు, నరాల బలహీనత తదితర సమస్యలపై ప్రజలకు అవగాహన కల్పించారు. వైద్య శిబిరంలో స్థానికులు రాకేష్, నాగరాజు, నరేందర్, విగ్నేష్, కుమార్‌ తదితరులు పాల్గొన్నారు.