-కూలీల కొరతతో రైతులకు తప్పని ఇబ్బందులు

-స్థలం లేక రోడ్లపై ధాన్యం ఆరబెడుతున్న అన్నదాతలు

నిర్మల్, నవంబర్ ౩౦ (విజయక్రాంతి): నిర్మల్ జిల్లాలో వరి ధాన్యం కొనుగోలు కేం ద్రాలకు దాన్యం పోటెత్తుతుంది. వానాకాలంలో రైతులు పండించిన  ధాన్యమును పంట కొనుగోలు కేంద్రాలకు రైతులు తీసుకురావడంతో కొనుగోలు కేంద్రాల్లో దాన్యపు రాశులతో నిండుకుంటున్నాయి.

కొనుగోలు కేంద్రాల్లో స్థలం లేకపోవడంతో ధాన్యం నిలువ చేసేందుకు రైతులు పడరాని పాటుపడుతూ ఆయా ప్రాంతాల్లో ప్రధాన రహ దారులపై ఆరబెడుతూ కంటికి రెప్పలా కాపాడుకుంటున్నారు ధాన్యం పోసి 20 రోజులు అయినా తూకం వేయకపోవడంతో పంట కొనుగోలు కేంద్రాల్లోని రైతులు పడిగాపులు పడుతూ అవస్థలు ఎదుర్కొంటున్నారు నిర్మల్ జిల్లాలో వానాకాలం సీజన్లో నిర్మల్ జిల్లాలో 1,25,000 ఎకరాల్లో రైతులు వరి ధాన్యం పండించారు. నిర్మల్ జిల్లాలో ఈ సీజన్లో 1,69,256 మెట్రిక్ టన్నుల ధాన్యాన్ని సేకరించాలని లక్ష్యంగా పెట్టుకున్నారు. ఇందుకోసం నిర్మల్ జిల్లాలో 343 కొనుగోలు కేంద్రాలను ఏర్పాటు చేయాలని లక్ష్యంగా పెట్టుకోగా ఇప్పటికీ వరి పంట చేతికొచ్చిన ప్రాంతాల్లో 317 కేంద్రాలను ప్రారంభించారు.

డి ఆర్ డి ఓ ఆధ్వర్యంలో 159, పిఎసిఎస్ ఆధ్వర్యంలో 129 డిసిఎం ఎస్ ఆధ్వర్యంలో 21, గిరిజన కోఆపరేటివ్ సొసైటీ ఆధ్వర్యంలో 8 కేంద్రాలను ప్రారంభించారు. ప్రభుత్వం వారికి మద్దతు ధరను క్వింటాలకు రూపాయలు 2385 మద్ద తు ధర ప్రకటించగా సన్నరకం వరి ధాన్యం కు రూపాయలు అదనంగా 500 బోనస్ ఇవ్వనున్నారు. జిల్లాలో ఇప్పటికే కుంటాల లోకేశ్వరం సోన్ దిల్వార్పూర్ నర్సాపూర్ సారంగాపూర్ మామిడి కడెం ఖానాపూర్ దస్తురాబాద్ కుం టాల కుబీర్ లోకేశ్వరం పెంబి  మండలాలు కొనుగోలు కేంద్రాలను ఏర్పాటు చేశారు ఈ కొనుగోలు కేంద్రాల్లో ఇప్పటివరకు 40000 వేల మెట్లు టన్నుల మెట్రిట్ టన్నుల ధాన్యాన్ని కొనుగోలు పూర్తిచేసి అందులో 30 వేల మెట్లు టన్నుల ధాన్యాన్ని రైస్ మిల్ గోదాములకు తరలించారు

కూలీల కొరత..

నిర్మల్ జిల్లాలో వరి కోతలు ప్రారంభం కావడంతో పెద్ద ఎత్తున కొనుగోలు కేంద్రాలకు రైతులు వరి ధాన్యాన్ని తీసుకురావడంతో  కొనుగోలు కేంద్రంలో దాన్యపురాసులు నిం డుకుంటున్నాయి. కొనుగోలు కేంద్రంలో తూకం వేసి లారీలో వరి ధాన్యం ను రవాణా చేసేందుకు కూలీల కొరత ఏర్పడుతుంది జిల్లా వ్యాప్తంగా ఒకేసారి వారి ధాన్యం కొనుగోలు కేంద్రాలు పెద్ద మొత్తంలో ప్రారంభం కావడం కొనుగోలు చేసిన ధాన్యాన్ని గోదాములకు తరలించడం అక్కడ ఆ సంచులను దించుకోవడంతో కూలీల కొరత ఏర్పడుతుంది .

గతంలో బీహార్ కూలీలు వర్గాల కొనుగోలు కేంద్రాలను ప్రారంభించిన అప్పటినుంచి ధాన్యం తరలించే వరకు కొనుగోలు కేంద్రాల్లోనే ఉంటూ కూలీ పనులు చేసుకుంటూ జీవనం గడిపేవారు. మనకంటే ముందు నిజాంబాద్ జగిత్యాలలో వారి కోతలు ప్రారంభమై కొనుగోలు పూర్తి అయ్యాయి ఈసారి వర్షాల కారణంగా అక్కడ కూడా పంట కొనుగోలు మన జిల్లాతో పాటు సమానంగా జరగడంతో అక్కడ కూలీలు ఇక్కడికి రావడానికి అవకాశం లేకుండా పోయిందని రైతులు పేర్కొంటున్నారు. 

కూలీల సంఖ్య కూడా చాలా తక్కువగా ఉంది బీహార్ ఎన్నికలు ము గియడంతో ఎన్నికలకు వెళ్లిన కూలీలు తిరిగి రాకపోవడంతో కొనుగోళ్లలో కూలీలు లేక ఇబ్బందులు పడుతున్నట్టు అధికారులు వెల్లడించారు. కొనుగో లు జాప్యం కారణంగా చాలామంది రైతులు పంటకళాల్లో స్థలం దొరకక రోడ్లపై ఆరబెడుతూతున్నారు. ప్రభుత్వ నిబంధనలను పాటిస్తూ కొనుగోల ప్రక్రియ ను వేగవంతంగా నిర్వహిస్తున్నారు. వరి ధాన్యంలో తీమశాతం 17 ఉన్న పంటను తీసుకురచ్చేలా రైతులను చైతన్యం చేస్తున్నారు పంట తెచ్చిన 24 గంటల్లోని కొనుగోలు పూర్తి చేసిన అధికారులు ఆ ధాన్యాన్ని వెంట వెంటనే రైస్ మిల్లర్లకు తరలిస్తున్నారు. రైతులు తరలించిన దాన్యం ట్రక్ సీట్లను ఆధారంగా ఆన్లైన్లో నమోదు చేసి దాన్యం డబ్బులు చెల్లించేలా చర్యలు తీసుకుంటున్నారు. 

ధాన్యం కొనుగోళ్ల ప్రక్రియ వేగవంతం

నిర్మల్ వరి ధాన్యం కొనుగోలు ప్రక్రియను వేగంగా చేపడుతున్నాం జిల్లాలో మొ త్తం 317 కేంద్రాలను ఏర్పాటు చేసి 1.70 లక్షల మెట్రిక్ టన్నుల ధాన్యాన్ని సేకరించాలని ప్రభుత్వ లక్ష్యంగా నిర్ణయిం చుకు న్నాం. కొనుగోలు కేంద్రంలో రైతులకు అవసరమయ్యే గోనే సంచులు ఎల క్ట్రానిక్ కాంటాలు క్లీనింగ్ మిషన్లు ఏర్పాటు చేసి నాణ్యమైన ధాన్యమును మాత్రమే కొనుగోలు చేసేలా చర్యలు  తీసుకుంటు న్నాం. మరింత మంది బీహార్ కూలీలను రప్పించి కొనుగోలు వేగవంతంగా చేసేందుకు అన్ని చర్యలు తీసు కుంటున్నాం. కొనుగోలు చేసిన ధాన్యాన్ని వెంట వెంటనే గోదాంలకు తరలించడం జరుగుతోంది. గ్రామాల్లో ఉన్న కూలీలను కూడా కొనుగోళ్లలో వినియోగించుకుంటున్నాం.

కిషోర్ కుమార్,జిల్లా అడిషనల్ కలెక్టర్

వెను వెంటనే గోదాములకు తరలింపు

నిర్మల్ జిల్లాలో దాన్యం కొనుగోళ్ల ప్రక్రియ ఒకవైపు వేగంగా నిర్వహిస్తూనే మరోవైపు కొనుగోలు చేసినదాన్ని రైస్ మిల్లర్లకు తరలింపు పక్కనే వేగంగా చేపడుతున్నాం. ప్రభుత్వ ఆదేశాల మేరకు సీఎం ఆర్ పెండింగ్ ఉన్న రైస్ మిల్లర్లకు ఈసారి ధాన్యం కేటాయింపులు ఇవ్వకుండా నిజామాబాద్ కరీంనగర్ జగిత్యాల జిల్లాలకు ట్రాన్స్పోర్ట్ చేస్తున్నాం. రైతులకు అవసరమయ్యే  సంచులు కూడా సిద్ధంగా ఉన్నా యి మొన్నటి వరకు బీహార్ ఎన్నికల కారణంగా కూలీలు  లేకపోవడంతో ఇబ్బందు లు ఏర్పడినప్పటికీ ఇప్పుడు కూలీలు రావడంతో పంట కొనుగోలు వేగంగా పూర్తి చేస్తాం.

 సుధాకర్ సివిల్ సప్లై డిఎం నిర్మల్