పలు పంచాయితీలను పరిశీలించిన కలెక్టర్ రాజర్షి షా 

ఆదిలాబాద్/నిర్మల్/బెల్లంపల్లి అర్బన్, నవంబర్ 30 (విజయక్రాంతి) : జిల్లాలో రెండవ విడత గ్రామ పంచాయతి ఎన్నికల నామినేషన్, మొదటి విడత స్క్రూటినీ ప్రక్రియలు పారదర్శకంగా సాగేందుకు సంబంధిత శాఖలు అప్రమత్తంగా పనిచేయాలని కలెక్టర్ రాజర్షి షా సూచించారు. ఆదివారం మావల మండల ఎంపీడీవో కార్యాలయం, అలాగే ఇంద్రవెల్లి, ఉట్నూర్ మండలాల గ్రామ పంచాయతీ కార్యాలయాల్లో నిర్వహించిన పరిశీల నలో ఆయన అధికారులకు పలు కీలక సూచనలు జారీ చేశారు.

ఈ సందర్భంగా కలెక్టర్ మాట్లాడుతూ... నేటి నుండి ఆదిలాబాద్ రూర ల్, మావల, బేల, జైనథ్, సాత్నాల, భోరాజ్, తాంసీ, భీంపూర్ మండలాల్లో రెండవ విడత నామినేషన్ ప్రక్రియ ప్రారంభమైంద ని తెలిపారు. అభ్యర్థులందరికీ హెల్ప్డెస్క్ల ద్వారా పూర్తి మార్గదర్శకం, అవసరమైన పత్రాల వివరాలు స్పష్టంగా అందించాలని సంబంధిత అధికారులు చర్యలు తీసుకోవాలని అన్నారు. నామినేషన్ ప్రక్రియలో అభ్యర్థులు ఎదుర్కొనే సందేహాలను వెంటనే పరిష్కరించాలని ఆదేశించారు.

ప్రతి మండల కేంద్రంలో ఏర్పాటు చేసిన హెల్ప్డెస్క్ల వద్ద అభ్యర్థులు తమ నామినేషన్కు అవసరమైన పత్రాలు, ఫార్మాలిటీల గురించి పూర్తి వివరణ పొందేలా చూడాలని అన్నారు. స్క్రూటినీ సమయంలో ఏవైనా లోపాలు ఉంటే వెంటనే చర్యలు తీసుకోవాలని సూచించారు. కార్యాలయంలో మావల మండల ప్రత్యేక అధికారి రాజలింగు, తహసీల్దార్ వేణు, ఎంపీడీఓ కృష్ణవేణి, ఇంద్రవెల్లి ఎంపీడీవో జీవన్ రెడ్డి, ఉట్నూర్ ఎంపీడీవో రామ్ ప్రసాద్, సంబంధిత ఆర్‌ఓలు, అధికారులు, అభ్యర్థులు, సిబ్బంది పాల్గొన్నారు.

పోలీస్ శాఖ భద్రత ఏర్పాట్లు 

నిర్మల్ లో జరుగుతున్న గ్రామపంచాయతీ ఎన్నికలకు పోలీస్ శాఖ పరంగా భద్రత ఏర్పా ట్లు చేయాలని నిర్మల్ జిల్లా ఎస్పీ జానకి అన్నా రు. ఆదివారం జిల్లా పోలీస్ క్యాంపు కార్యాలయంలో, స్థానిక సంస్థల ఎన్నికల నేపథ్యంలో భద్రతా చర్యలను సమీక్షిస్తూ ఎస్పీ డా. జి. జానకి షర్మిల,  ఆధ్వర్యంలో, జిల్లాలోని పోలీస్ అధికారులతో ప్రత్యేక సమావే శం నిర్వహించారు. ఈ సందర్భంగా, ఎన్నికలు శాంతియు తంగా, నిష్పక్షపాతంగా, పారదర్శకంగా సాగేందుకు చేపట్టవలసిన చర్యలపై ఎస్పీ దిశానిర్దేశం చేశారు. పోలింగ్ స్టేషన్ల వద్ద పటిష్ట బందోబస్తు ఏర్పాటు, చెక్పోస్టుల కార్యకలాపాల పర్యవేక్షణ, సున్నితమైన ప్రాంతాల గుర్తింపు, రూట్ మొబైల్ వాహనాల మానిటరింగ్ వంటి అంశాలపై వివరంగా చర్చించారు.

ప్రజలు భయాందోళనలేమీ లేకుండా స్వేచ్ఛగా ఓటు హక్కు వినియోగించుకోడానికి అన్ని భద్రతా ఏర్పాట్లు పూర్తిగా సిద్ధంగా ఉన్నాయని ఎస్పీ పేర్కొన్నారు. ఎన్నికల సమయంలో ఏవైనా అనుమానాస్పద కదలికలు, మోడల్ కోడ్ ఆఫ్ కండక్ట్ ఉల్లంఘనలు గమనించిన వెంటనే ప్రజలు పోలీసులకు తెలియజేయాలని తెలియజేశారు. ఈ సమావేశంలో నిర్మల్ ఏఎస్పీ రాజేష్ మీన ఐపీఎస్, జిల్లాలోని ఇన్స్పెక్టర్లు, ఎస్‌ఐలు పాల్గొన్నారు.

బెల్లంపల్లిలో -నామినేషన్ల కేంద్రాలను సబ్ కలెక్టర్ మనోజ్ పరిశీలన

మంచిర్యాల జిల్లా బెల్లంపల్లి మండలంలో ఆదివారం నామినేషన్ల ఘట్టం ప్రారంభమైం ది. మండలంలో 17 జీపీలకు 156 వార్డులకు నామినేషన్ల వేశారు. 17 గ్రామపంచాయతీ స్థానాలకు 11, 156 వార్డులకు గాను 6 నామినేషన్లు దాఖలు అయ్యాయి. నామినేషన్ల స్వీకర ణ సౌలభ్యం కోసం 17 జీపీలు, 7 క్లస్టర్లుగా ఏర్పాటు చేసి నామినేషనషన్ల  ఘట్టాన్ని చేపట్టా రు. నమేషన్ల దాఖలకు కేంద్రాల్లో అధికా రులు తగిన సదుపాయాలు కల్పించారు. నామినేషన్ల దాఖలు వివరాలు ఇలా ఉన్నాయి.

ఆకనపల్లి స్థానానికి - 5, బుచ్చయ్య పల్లిలో - 1, కన్నాలలో- 2, అంకుశం లో - 1, దుగ్నేపల్లి - 1 చొప్పున నామినేషన్లు దాఖలు అయ్యాయి. 156 వార్డులకు గాను ఆకనపల్లిలో - 1, బుచ్చ య్యపల్లిలో - 1, పెరుకపల్లి - 2, సోమగూడెంలో - 2 చొప్పున మొత్తం 6 నామినేషన్లు వేశారు. నామినేషన్ల ప్రక్రియను బెల్లంపల్లి సబ్ కలెక్టర్ మనోజ్, తహసిల్దార్ లౌడియా కృష్ణ పరిశీలించారు. ఆయన నామినేషన్ కేంద్రాలకు వెళ్ళి నామినేషన్ల తీరు, అధికారుల విధులను తనిఖీ చేశారు.

మొదటిరోజు నామినేషన్ల ఘట్టం ప్రశాంతంగా ముగిసింది. కాంగ్రెస్, టిఆర్‌ఎస్, వామపక్షాల పార్టీలు బిజెపి  ప్రధాన పార్టీల తరపున అభ్యర్థులు పోటాపోటీగా నామినేషన్ వేశారు. ఆయా నామినేషన్ల కేంద్రాల వద్ద పోలీసు బందోబస్తు ఏర్పాటు చేశారు. నామినేషన్‌ల ఘట్టం ప్రశాంతంగా సాగింది.