ధాన్యం కొనుగోళ్లు పకడ్బందీగా చేపట్టాలి

జిల్లా అదనపు కలెక్టర్ డేవిడ్ 

కుమ్రం భీం ఆసిఫాబాద్, అక్టోబర్ 17(విజయ క్రాంతి):: 2025-26 ఖరీఫ్ వరి ధాన్యం కొనుగోలు ప్రక్రియను జిల్లాలో పకడ్బందీగా చేపట్టాలని జిల్లా అదనపు కలెక్టర్ (రెవెన్యూ) డేవిడ్ అన్నారు. శుక్రవారం కలెక్టరేట్ లో  ఆర్డీవో లోకేశ్వర్ రావు తో కలిసి జిల్లా పౌరసరఫరాల శాఖ ఆధ్వర్యంలో వ్యవసాయ శాఖ అధికారులు, విస్తరణాధికారు లు, ప్రాథమిక వ్యవసాయ సహకార సంఘ కార్యదర్శులు, ఐకెపి ఏపిఎంలు, సిసిలు, విఓ ఏలకు నిర్వహించిన శిక్షణ కార్యక్రమానికి హాజరయ్యారు.

ఈ సందర్భంగా జిల్లా అదనపు కలెక్టర్ మాట్లాడుతూ జిల్లాలో ఖరీఫ్ (వానాకాలం) సీజన్ వరి ధాన్యం కొనుగోలు ప్రక్రియను సంబంధిత శాఖల సమన్వయంతో పకడ్బందీగా చేపట్టాలని తెలిపారు. జిల్లాలో సుమారుగా 44 వేల మెట్రిక్ టన్నుల ధాన్యం దిగుబడి వచ్చే అవకాశం ఉందని, దాదాపు 30 వేల టన్నుల ధాన్యంను రైతులు కొనుగోలు కేంద్రాలకు తీసుకొచ్చే అవకాశం ఉందని తెలిపారు. ఈ నెల 24వ తేదీలోగా కొనుగోలు కేంద్రాలు ఏర్పాటు చేయాలని, 40 కొనుగోలు కేంద్రా లు ప్రారంభించడం జరుగుతుందని తెలిపారు.

వరి ధాన్యం ఏ గ్రేడ్ రకానికి క్వింటాలుకు 2 వేల 389 రూపాయలు, సాధారణ రకానికి 2 వేల 369 రూపాయలు మద్దతు దడగా నిర్ణయించడం జరిగిందని, సన్న రకం వడ్లకు మద్దతు ధరతో పాటు క్వింటాలుకు 500 రూపాయలు బోనస్ అందించడం జరుగుతుం దని తెలిపారు. రైతులు ధాన్యా న్ని ఆరబెట్టుకుని తేమ శాతం నిబంధనలకు లోబడి ఉండేలా చూసుకొని కొనుగోలు కేంద్రాలకు తీసుకువచ్చేలా వ్యవసాయ శాఖ అధికారులు రైతులకు అవగాహన కల్పించాలని తెలిపారు.

కొనుగోలు కేంద్రాలను ఎత్తు ప్రదేశంలో ఏర్పాటు చేయాలని, దొడ్డు రకం, సన్న రకం ధాన్యాలను కొనుగోలు చేసేందుకు వేరువేరు కేంద్రాలు ఏర్పాటు చేయా లని, గన్ని సంచులను సరిపడా అందుబాటులో ఉంచుకోవాలని తెలిపారు. టార్పాలి న్ కవర్లు, ప్యాడి క్లీనర్లు, డ్రయ్యర్లు, తేమశాతం యంత్రాలు ఎలక్ట్రానిక్ తూకం యం త్రాలు, ట్యాబ్ లను అందుబాటులో ఉంచి రైతుల వద్ద నుండి క్రమ పద్ధతిలో ధాన్యం కొనుగోలు ప్రక్రియ చేపట్టాలని సూచించారు.

కొనుగోలు కేంద్రాలకు వచ్చే రైతుల కు ఎలాంటి ఇబ్బందులు తలెత్తకుం డా త్రా గునీరు, నీడ సౌకర్యాలు కల్పించాలని, తూకం వేసిన ధాన్యాన్ని కేటాయించిన ప్రకారం ట్యాగింగ్ చేయబడిన రైస్ మిల్లులకు మాత్రమే తరలించాలని తెలిపారు. కొనుగోలు కేంద్రాల నిర్వహకులు అప్రమత్తంగా ఉండాలని, ఎలాంటి పొరపాట్లకు తావు లేకుండా కొనుగోలు ప్రక్రియ నిర్వహించాలని తెలిపారు.

రైతులకు ఎలాంటి అసౌకర్యం కలగకుండా ప్రశాంత వాతావరణం లో వరి ధాన్యం కొనుగోలు చేపట్టాలని తెలిపారు. ఈ కార్యక్రమంలో జిల్లా వ్యవసాయ అధికారి వెంకటి, జిల్లా మార్కెటింగ్ అధికారి అశ్వక్ అహ్మద్, సంబంధిత అధికారులు తదితరులు పాల్గొన్నారు.