గురుకుల కళాశాల విద్యార్థినుల ఆందోళన

ఉట్నూర్, మార్చి 6 (విజయక్రాంతి): తమతో దురుసుగా వ్యవహరిస్తూ, బూతులు తిడుతూ... చెప్పరాని మాటలతో వేధిస్తున్న ఇంగ్లీషు లెక్చరర్ ను వెంటనే సస్పెండ్ చేయాలని డిమాండ్ చేస్తూ విద్యార్థినిలు ఆందోళనకు దిగారు.

ఉట్నూర్ మండల కేంద్రంలోని గిరిజన బాలికల గురుకుల డిగ్రీ కళాశాలలో ఇంగ్లీషు లెక్చరర్ గా పని చేస్తున్న ప్రత్యూష తీరును నిరసిస్తూ శుక్రవారం విద్యార్థినులు మండుటెండలో బైఠాయించి నిరసన చేపట్టారు. విషయం తెలుసుకున్న ఎస్త్స్ర విజయ్ సంఘటన స్థలానికి చేరుకొని  బాలికలను సముదాయించారు. ఐన విద్యార్థులు వినకపో వడంతో, ఆర్.సి.ఓ  అగస్టీన్ బాలికల వద్దకు చేరుకొని ఆందోళన వివరించాలని, ఘటనపై పూర్తిస్థాయి విచారణ జరిపి శాఖ పరంగా చర్యలు తీసుకుంటామని హామీ ఇవ్వడంతో,  బాలికలు ఆందోళన విరమించారు.