calender_icon.png 30 November, 2025 | 10:44 PM

  • top-fb.png
  • top-tw.png
  • top-insta.png
  • top-yt.png
Breaking News

సిర్గాపూర్ మల్లన్న స్వామిని దర్శించుకున్న హరీష్ రావు

30-11-2025 10:12:03 PM

సిర్గాపూర్ (విజయక్రాంతి): సంగారెడ్డి జిల్లా సిర్గాపూర్ మండలంలోని మల్లన్న స్వామి కళ్యాణోత్సవంలో ఆదివారం మాజీ మంత్రి హరీష్ రావు పాల్గొన్నారు. ఈ సందర్భంగా నిర్వహించిన జాతర ఉత్సవంలో మాజీ ఎమ్మెల్యే భూపాల్ రెడ్డితో కలిసి ప్రత్యేక పూజలు నిర్వహించారు. మల్లన్న స్వామికి మొక్కులు చెల్లించుకున్నారు. ఈ సందర్బంగా హరీష్ రావు మాట్లాడుతూ... బీఆర్ఎస్ అధికారంలో ఉన్న కాలంలో యాదవుల ఆరాధ్య దైవమైన మల్లన్న స్వామి పేరు మీదనే గత ముఖ్యమంత్రి కేసీఆర్ మల్లన్న సాగర్ నిర్మించారని, త్వరలోనే మల్లన్న సాగర్ నీరు ఖేడ్ ప్రాంతానికి సరఫరా అవుతుందన్నారు. ఆయనతో పాటు మాజీ ఎమ్మెల్యే భూపాల్ రెడ్డి ఉన్నారు. వారి వెంట బీఆర్ఎస్ పార్టీ నాయకులు సంజీవ్ పాటిల్, యాదవ్ రావ్, నర్సాగౌడ్, యాదవ్ సంఘం వారు, కార్యకర్తలు తదితరులు ఉన్నారు.