సాధారణ ఎన్నికల పరిశీలకులు సత్యనారాయణ రెడ్డి

కామారెడ్డి (విజయక్రాంతి): గ్రామ పంచాయతీ ఎన్నికల్లో ఫ్లయింగ్ స్క్వాడ్ టీం, స్టార్టింగ్ సర్వే లైన్స్ టీం బృందాల పాత్ర అత్యంత కీలకమని సాధారణ ఎన్నికల పరిశీలకులు సత్యనారాయణ రెడ్డి అన్నారు. కామారెడ్డి మండలం చిన్న మల్లారెడ్డిలో నామినేషన్ ప్రక్రియ, స్క్రూటినీ, పోలింగ్ కేంద్రాలను పరిశీలించారు. కలెక్టరేట్ సమావేశ మందిరంలో ఎస్ ఎస్ టి, ఎఫ్ఎస్టి ఎన్నికల అధికారులతో సమావేశం నిర్వహించారు. ఆదివారం కామారెడ్డి జిల్లాకు చేరుకున్న సాధారణ పరిశీలకులు ముందుగా చిన్న మల్లారెడ్డి గ్రామ పంచాయితీ కార్యాలయంలో మొదటి విడత నామినేషన్ స్క్రూటినీ నీ పోలింగ్ కేంద్రాలను పరిశీలించారు.

అనంతరం సాయంత్రం కలెక్టరేట్ లో ఎన్నికల అధికారులతో సమావేశం నిర్వహించారు. గ్రామ పంచాయితీ ఎన్నికల సాధారణ పరిశీలకులు సత్యనారాయణ రెడ్డి ఆదివారం కామారెడ్డి జిల్లాకు చేరుకున్న సందర్భంగా ఆర్ అండ్ బి గెస్ట్ హౌస్ లో అధికారులు మర్యాద పూర్వకంగా కలసి పూల మొక్క అందించి స్వాగతం పలికారు. అనంతరం గ్రామ పంచాయితీ ఎన్నికల్లో FST (ఫ్లయింగ్ స్క్వాడ్ టీమ్) మరియు SST (స్టాటిక్ సర్వైలెన్స్ టీమ్) బృందాల పాత్ర అత్యంత కీలకమని ఎన్నికల ప్రక్రియ పారదర్శకంగా, న్యాయంగా, శాంతియుతంగా సాగేందుకు ఈ బృందాలు నిరంతరం పర్యవేక్షణ చేపట్టాలని, ఆయన తెలిపారు. గ్రామ పంచాయితీ ఎన్నికల సమయంలో చట్టవ్యతిరేక కార్యకలాపాలు, డబ్బు లేదా మద్యం పంపిణీ, ఓటర్లను ప్రభావితం చేసే ప్రయత్నాలను అరికట్టేందుకు FST–SST బృందాలు శీఘ్ర విచారణ చర్యలు చేపట్టాలని, చెక్ పోస్టుల ద్వారా గట్టి నిఘా ఏర్పాటు చేసి ప్రతీ వాహనాన్ని తనిఖీ చేయాలని పేర్కొన్నారు.

ఎన్నికల కమిషన్ మార్గదర్శకాల ప్రకారం ప్రతి ఫిర్యాదుపై వెంటనే స్పందించేందుకు అధికారులు సిద్ధంగా ఉన్నారని, ప్రజలు కూడా ఎన్నికల ప్రక్రియలో చైతన్యంగా పాల్గొని, అనుమానాస్పద పరిస్థితులను సమాచారం ఇవ్వాలని సత్యనారాయణ రెడ్డి కోరారు.గ్రామ స్థాయి ఎన్నికలలో ప్రతి ఓటు విలువైనదని, స్వేచ్ఛగా, న్యాయంగా ఓటు వేసి ప్రజాస్వామ్యాన్ని మరింత బలోపేతం చేయాలని ఆయన తెలిపారు.అనంతరం 21 వ నంబర్ లో ఏర్పాటు చేసిన మీడియా సెంటర్, మీడియా సర్టిఫికేషన్ అండ్ మానిటరింగ్ సెల్ (ఎం.సీ.ఎం.సీ), కంట్రోల్ రూమ్ ను సందర్శించి ఎంసిఎంసి సెల్ ద్వారా చెల్లింపు వార్తలను గుర్తించడం, సకాలంలో ప్రచార ప్రకటనలకు సంబంధించిన అనుమతులు మంజూరు చేయాలని సూచించారు. సోషల్ మీడియాలో వచ్చే పోస్టులను గమనిస్తూ ఉండాలని, ఎన్నికల ప్రవర్తన నియమావళి అతిక్రమించిన పోస్టులపై చట్ట ప్రకారం చర్యలు తీసుకోవడం జరుగుతుందన్నారు. పారదర్శకంగా, నిష్పక్షపాతంగా ఎన్నికలు నిర్వహించాలని ఆన్నారు. ఈ కార్యక్రమంలో అదనపు కలెక్టర్ మదన్ మోహన్, జిల్లా పంచాయతీ అధికారి మురళీ, సివిల్ సప్లై (లైజనింగ్ ఆఫీసర్), స్సాట్, తదితరులు పాల్గొన్నారు.