గ్రేస్ సర్వీస్ సొసైటీ స్వచ్ఛంద సేవా సంస్థ ఆధ్వర్యంలో 400 మంది పేద విద్యార్థులకు సహాయం

వెంకటాపురం నూగూరు (విజయక్రాంతి): ములుగు జిల్లా(Mulugu District) వెంకటాపురం మండలలో గ్రేస్ సర్వీస్ సొసైటీ స్వచ్ఛంద సేవా సంస్థ ఖమ్మం ఆధ్వర్యంలో వెంకటాపురం మండలలలోని బర్లగూడెం, ఒంటిమామిడి, మైతాపురం, నూగూరు, రాసపల్లి, తిప్పాపురం, కలిపాక, కొత్తగుంపు, సూరవీడు కొత్తకాలనీ, సూరవీడు, అంకన్నగూడెం, నాయకులగూడెం గ్రామాలలోనీ ప్రభుత్వ పాఠశాలల్లో చదువుతున్న సుమారు 400 మంది నిరుపేద విద్యార్ధిని, విద్యార్థులకు స్కూల్ బ్యాగ్స్, పెన్నులు, నోట్ పుస్తకాలు, పలకలు పంపిణీ చేశారు.

ఈ కార్యక్రమానికి వచ్చిన నాయకులగూడెం ప్రధానోపాధ్యాయులు పి సూర్య నారాయణ మాట్లాడుతూ... నిరుపేద విద్యార్థిని విద్యార్థులకు విద్యా సామాగ్రి పంపిణీ చేయడం చాలా సంతోషకరమని, ఇటువంటి సహాయాన్ని అందిస్తున్నటువంటి గ్రేస్ సర్వీస్ సొసైటీ స్వచ్ఛంద సేవా సంస్థకు ప్రత్యేక అభినందనలు తెలియజేశారు. మారుమూల గిరిజన గ్రామాలలో పేద పిల్లలకు సహాయం చేయడానికి ఇటువంటి స్వచ్ఛంద సేవా సంస్థలు ముందుకు రావడం చాలా అభినందనీయమనీ, సంస్థ నాయకులకు ప్రత్యేక కృతజ్ఞతలు తెలియజేశారు. ఈ కార్యక్రమంలో స్వచ్ఛంద సంస్థ సిబ్బంది,  జి.యస్.యస్ ప్రతినిధులు  ముర్రం రాజేష్, కంతి ముత్తయ్య,  ఉపాధ్యాయురాలు  కారం ఇందిరా పిల్లల తల్లిదండ్రులు తదితరులు పాల్గొన్నారు.