నిరుపేదలకు సహాయం చేయడం ప్రతి ఒక్కరి సామాజిక బాధ్యత

ఘట్ కేసర్, జూన్ 6 (విజయక్రాంతి) : అనురాగ్ యూనివర్సిటీ ఎన్ఎస్ఎస్ కోఆర్డినేటర్ డాక్టర్ మల్లేష్ ఆధ్వర్యంలో సోషల్ కనెక్ట్ హెల్పింగ్ హ్యాండ్ ఫౌండేషన్ సీఈఓ ఎం. హేమ సహకారంతో నిరుపేద పిల్లలకు బట్టలు, స్నాక్స్ పంపిణీ చేశారు. ఈ కార్యక్రమానికి ముఖ్య అతిథిగా అనురాగ్ యూనివర్సిటీ అడ్మినిస్ట్రేషన్ డైరెక్టర్ డాక్టర్ ఎం. శ్రీనివాసరావు 

ఈకార్యక్రమంలో విద్యార్థులు, స్వచ్ఛంద సేవకులు ఉత్సాహంగా పాల్గొని చిన్నారులకు అవసరమైన వస్త్రాలు, ఆహార పదార్థాలను అందజేశారు. సమాజంలోని వెనుకబడిన వర్గాలకు సహాయం చేయడం ప్రతి ఒక్కరి సామాజిక బాధ్యత అని డాక్టర్ మల్లేష్  పేర్కొన్నారు. సామాజిక సేవా కార్యక్రమాలు విద్యార్థుల్లో మానవతా విలువలు, సేవాభావాన్ని పెంపొందిస్తాయని, ఇలాంటి సేవా కార్యక్రమాలను భవిష్యత్తులో మరింత విస్తృతంగా నిర్వహించేందుకు కృషి చేస్తామని నిర్వాహకులు తెలిపారు. ఈకార్యక్రమం ద్వారా చిన్నారుల ముఖాల్లో ఆనందం నింపడంతో పాటు, సమాజానికి సేవ చేయాలనే స్ఫూర్తిని విద్యార్థుల్లో మరింత అందిస్తుందని అన్నారు. సేవా కార్యక్రమాల ద్వారా సమాజంలో సానుకూల మార్పులు తీసుకురావచ్చని, యువత సామాజిక బాధ్యతతో ముందుకు రావాలని నిర్వాహకులు పిలుపునిచ్చారు.