ప్రస్తుతం మైథలాజికల్ టచ్ ఉన్న చిత్రాలు బ్లాక్‌బస్టర్ హిట్లు అవుతున్న సంగతి తెలిసిందే. ఈ క్రమంలో జగన్నాథ పిక్చర్స్ పతాకంపై జగదీశ్ ఆమంచి హీరోగా నటిస్తూ స్వీయ దర్శకత్వం వహించిన ‘యముడు’ చిత్రం రూపుదిద్దుకుంటోంది. ధర్మో రక్షతి రక్షితః అనేది ఉప శీర్షిక. ఈ సినిమాలో శ్రావణిశెట్టి హీరోయిన్‌గా నటిస్తోంది. ఇదివరకు ఈ మూవీ నుంచి విడుదల చేసిన టైటిల్ పోస్టర్, దీపావళి స్పెషల్‌గా రిలీజ్ చేసిన పోస్టర్లు అందరినీ ఆకట్టుకున్నాయి. ప్రస్తుతం షూటింగ్ పూర్తి కాగా, పోస్ట్ ప్రొడక్షన్ కార్యక్రమాల్లో చిత్రయూనిట్ బిజీగా ఉంది. ప్రమోషన్స్‌లో భాగంగా తాజాగా మరో పవర్‌ఫుల్ పోస్టర్‌ను మేకర్స్ విడుదల చేశారు. ఈ పోస్టర్‌లో యుముడి రూపంలో జగదీశ్ భయానకంగా కనిపిస్తున్నారు.

హీరోయిన్‌ను యమపాశంతో కట్టి పడేసిన తీరు, యముడి ఆహార్యంలో హీరో కనిపించిన తీరు చూస్తే భయంగొల్పుతున్నాయి. త్వరలోనే ఈ మూవీకి సంబంధించిన రిలీజ్ డేట్‌ను ప్రకటించను న్నారు. ఆకాశ్ చల్లా కీలక పాత్ర పోషిస్తున్న ఈ చిత్రానికి డీవోపీ: విష్ణురెడ్డి వంగా; సంగీతం: భవాని రాకేశ్; ఎడిటర్: కేసీబీ హరి; రైటర్: హరి అల్లసాని, జగదీశ్ ఆమంచి; స్క్రీన్‌ప్లే: శివ కుండ్రపు; కథవె జగదీశ్ ఆమంచి.