బాలీవుడ్ స్టార్ హీరో విక్కీ కౌశల్‌ను ఆకాశానికి ఎత్తేస్తోంది యువ కథానాయకి మాళవిక మోహనన్. చిత్రపరిశ్రమలోనే కాదు.. వ్యక్తిగత జీవితంలోనూ మొదటి స్నేహితుడు విక్కీనే అంటోంది. తాజాగా, ఓ పాడ్కాస్ట్లో మాళవిక మాట్లాడుతూ.. ‘మా ఇద్దరివీ సినీ నేపథ్యమున్న కుటుంబాలే. మా నాన్న  కేయూ మోహనన్ సినిమాటోగ్రాఫర్. విక్కీ ఫాదర్ శ్యామ్‌కౌశల్.. ఫైట్ మాస్టర్. మా ఇద్దరి కుటుంబాలూ ముంబైలో ఇరుగుపొరుగునే ఉండేవి. చిన్నప్పట్నుంచే మా ఇద్దరి మధ్య మంచి అనుబంధం ఉండేది. నాకు ఊహ తెలిసినప్పట్నుంచే విక్కీతో పరిచయం ఉంది. అప్ప ట్నుంచి మా స్నేహం కొనసాగుతూనే ఉంది. చిన్నప్పుడు మా అమ్మ చేసే మలయాళీ వంట ల్ని విక్కీ ఎంతో ఇష్టపడేవాడు. అందుకే, తరచుగా మా ఇంటికి భోజనానికి వచ్చేవాడు.

ఆ సమయంలో ఇద్దరం కలిసి కబుర్లు చెప్పుకొం టూ, భోజనం చేసేవాళ్లం. విక్కీ చిన్నప్పటి నుంచే బాగా డాన్స్ చేసేవాడు. వేడుక ఏదై నా డ్యాన్స్‌తో అదరగొట్టేవాడు. మేమిద్దరం తరచూ కలుస్తూనే ఉంటాం. సిని మాలు, కెరీర్‌కు సంబంధించిన సీరియ స్ విషయాలపై మేమెప్పుడూ చర్చించుకోలేదు. మలయాళంతోపాటు తమిళం, హిందీలో సినిమాలు చేస్తున్న మాళవిక.. తాజాగా ‘ది రాజా సాబ్’తో తెలుగు తెరకు పరిచయమైంది. ప్రభాస్ సరసన గ్లామర్ షోతో ఆకట్టుకుంది. ఈ భామ కార్తీతో చేసిన ‘సర్దార్ 2’ కూడా త్వరలోనే విడుదల కానుంది. ఇక విక్కీ విషయానికి వస్తే.. గత సంవత్సరం వచ్చిన ‘ఛావా’ చిత్రంతో బ్లాక్బస్టర్ హిట్‌ను సొంతం చేసుకున్నారు. ప్రస్తుతం బాలీవుడ్ స్టార్ డైరెక్టర్ సంజయ్ లీలా భన్సాలీ దర్శకత్వంలో ‘లవ్ అండ్ వార్’ సినిమా చేస్తున్నారు.