హారర్ కామెడీ భవనమ్

ప్రముఖ నిర్మాణ సంస్థ సూపర్ గుడ్ ఫిలిమ్స్ మరో క్రేజీ ప్రాజెక్టుతో ప్రేక్షకుల ముందుకు వస్తోంది. ఈ సంస్థ తాజాగా నిర్మిస్తున్న సస్పెన్స్ థ్రిల్లర్ ‘భవనమ్’. దీనికి బాలాచారి కూరెళ్ల దర్శకత్వం వహిస్తున్నారు. ఆర్‌బీ చౌదరి, వాకాడ అంజన్‌కుమార్, వీరేంద్ర సీర్వి నిర్మాతలు. సప్తగిరి, ధనరాజ్, షకలక శంకర్, అజయ్, మాళవిక సతీశన్, స్నేహా ఉల్లాల్ ప్రధాన పాత్రల్లో నటిస్తున్న ఈ సినిమా ట్రైలర్ లాంచ్ ఈవెంట్ హైదరాబాద్‌లో జరిగింది.

ఈ కార్యక్రమంలో హీరో సప్తగిరి మాట్లాడుతూ.. సూపర్ గుడ్ ఫిలిమ్స్ సంస్థ తమ 95వ చిత్రంగా ఇంత మంది కమెడియన్స్‌తో తొలిసారి హారర్ కామెడీని రూపొందిస్తోంది. ఈ సంస్థలో పనిచేయాలనే కోరిక ‘భవనమ్’తో నెరవేరింది. ఆగస్టు 9న  విడుదల కానున్న ఈ సినిమాను థియేటర్లలో చూసి మమ్మల్ని ప్రోత్సహించాలని ప్రేక్షకులను కోరుకుంటున్నా” అన్నారు. ఇంకా ఈ ఈవెంట్‌లో మాట్లాడిన హీరో షకలక శంకర్, హీరోయిన్ మాళవిక సతీశన్, డైరెక్టర్ చరణ్ అర్జున్, మిగతా చిత్రబృందం, నిర్మాణ బృందం సినిమా విశేషాలను వెల్లడించారు.