1. గత పదేండ్లలో రూ. 19 వేల కోట్లు.. రెండేండ్లలో రూ. 10 వేల కోట్లు
2. లాభాల్లో ఉన్న ఏకైక ప్రభుత్వ రంగ సంస్థ సింగరేణికి బకాయిల బెడద

* సర్కారువారి పాట.. రూ. 29,000 కోట్లు. ఈ పాట ఏ విషయంలో అనే సందేహం వస్తుంది కదా..!  ఇది సింగరేణి సంస్థకు రావాల్సిన బకాయిల పాట. సింగరేణి బకాయిలకు.. సర్కారువారి పాట ఏంటనే మరో అనుమానం రావచ్చు.. తెలంగాణకు కొంగుబంగారంలా భావించే సింగరేణికి రాష్ట్ర ప్రభుత్వం (జెన్‌కో) నుంచి రావాల్సిన బకాయిలు రూ. 29 వేల కోట్లకుపైగా ఉన్నాయి.

గడిచిన పదకొండేండ్లకు పైగా సర్కారు నుంచి రావాల్సిన బకాయిలు ఏటికేడాది పేరుకుపోతూనే ఉన్నాయి. అవికాస్తా ఇప్పటికి రూ. 29 వేల కోట్లకు చేరుకున్నాయన్నమాట. అదీ సర్కారువారి పాట..! ఈ బకాయిలు ఇలాగే పేరుకుపోతే గతంలోని ఆర్థిక ఇబ్బందులు సింగరేణిని మరోసారి చుట్టుముట్టే ప్రమాదం పొంచి ఉందని భావిస్తున్నారు.

హైదరాబాద్, నవంబర్ 29 (విజయక్రాంతి): సింగరేణి సంస్థ ప్రతిరోజూ సు మారు లక్ష మెట్రిక్ టన్నులకుపైగా బొగ్గు ను రాష్ట్రంలో జెన్‌కో ఆధ్వర్యంలోని థర్మ ల్ విద్యుత్తు కేంద్రాలకు సరఫరా చే స్తోంది. అలాగే మంచిర్యాల జిల్లా జైపూర్‌లోని 1200 మెగావాట్ల సామర్థ్యంతో సింగరేణి థర్మల్ విద్యుత్తు కేంద్రం (ఎస్‌టీపీపీ)లో ఉత్పత్తి అయ్యే మొత్తం విద్యు త్తును కూడా ప్రభుత్వం తీసుకుంటోంది.

ఇలా అటు బొగ్గు, ఇటు విద్యుత్తును సరఫరా చేసినా.. ప్రభుత్వం నుంచి రావా ల్సిన మొత్తం మాత్రం విడుదల కావడం లేదు. దీనితో ఇప్పటివరకు ప్రభుత్వం నుంచి రావాల్సిన బకాయిల మొత్తం రూ. 29,000 కోట్లకు చేరింది. ఇందులో గత బీఆర్‌ఎస్ ప్రభుత్వం పాలించిన కాలంలో (2014 నుంచి 2023 నవంబర్ వరకు) పేరుకుపోయిన బకాయిలు రూ. 19,000 కోట్ల వరకు ఉన్నాయి. అయితే ప్రతియేటా కొంత కొంత మొత్తంలో సిం గరేణికి బకాయిలను అప్పటి ప్రభుత్వం చెల్లిస్తూ వచ్చింది. దీనితో సుమారు పదేండ్లలో సింగరేణికి రావాల్సిన బకాయిలు సుమారు రూ. 19,000 కోట్లమేర పేరుకుపోయాయి.

అయితే 2023 డిసెంబరులో కాంగ్రెస్ ప్రభుత్వం ఏర్పడిన తరువాత.. రాష్ట్రానికి వస్తున్న ఆదాయంలో గరిష్టంగా అంతకుముందు ప్రభుత్వం చేసిన అప్పులు, వడ్డీలకే సరిపోతోందని చెబుతూ వ స్తోంది. దీనితో ఇతర పథకాలకు, కాంట్రాక్టులకు చెల్లించాల్సిన మొత్తాన్ని పెం డింగులో పెడుతూ వస్తోంది. ఇదే విధం గా బొగ్గు, విద్యుత్తు సరఫరా చేసినా.. గడిచిన పదేండ్లలో సింగరేణికి ప్రత్యేకంగా చెల్లింపులు ఏమీ చేయకపోవడంతో కేవలం రెండంటే.. రెండేండ్లలోనే రూ. 10,000 కోట్ల మేర బకాయిలు పెరిగిపోయాయి. దీనితో సింగరేణికి రావాల్సిన మొత్తం బకాయిలు రూ. 29 వేల కోట్లకు చేరుకున్నాయి.

ఆర్థిక ఒడిదుడుకుల్లో.. 

నిజానికి రాష్ట్రంలో అత్యధిక లాభాల్లో నడుస్తున్న ప్రభుత్వ రంగ సంస్థల్లో సింగరేణి ఏకైక సంస్థగా చెప్పవచ్చు. అయితే ప్ర భుత్వ నుంచి రావాల్సిన బకాయిలు పేరుకుపోవడంతో ఆర్థికంగా కాస్త ఒడిదుడుకు లకు లోనవుతున్నట్టు సమాచారం. ఈయే డు వర్షాకాలంలో బొగ్గు ఉత్పత్తి గణనీయంగా పడిపోయింది. పైగా వర్షాలు మే నెలలోనే మొదలయ్యాయి. మొత్తంగా చూసుకుంటే.. జూన్, జూలై, ఆగస్టు, సెప్టెంబర్, అక్టోబర్ నెలల్లో బొగ్గు ఉత్పత్తి పూర్తిగా మందగించింది.

అంటే ఐదు నెలలపాటు సింగరేణిలో బొగ్గు ఉత్పత్తి నామ మాత్రంగా కొనసాగింది. న వంబర్‌లో ఇప్పటివరకు అనుకున్న లక్ష్యాలను చేరుకోవడానికి అధికారులు, కార్మికులు తీవ్రంగా శ్రమిస్తున్నారు. ఈనేపథ్యంలో ఈయేడు నిర్దేశించుకున్న లక్ష్యాన్ని చేరుకోవడం, గతేడాదికంటే ఎక్కువగా లాభాలను ఒడిసిపట్టుకోవడం ఇప్పుడు సింగరేణికి కత్తిమీద సాములా మారింది. ఇదే సమయంలో ప్ర భుత్వం నుంచి రావాల్సిన రూ. 29,000 కో ట్ల బకాయిలుకూడా సింగరేణిని మరింత ఇ బ్బందులకు గురిచేస్తుందనే చెప్పవచ్చు.

ప్రతి నెలా సుమారు రూ. వేయి కోట్ల వరకు ఉచి త విద్యుత్తు, సబ్సిడీలకు ప్రభుత్వం నుంచి నిధులను విడుదల చేస్తుంది. అలాగే.. సింగరేణి బకాయిల విషయంలోనూ ప్రతినెలా కొంతైనా నిధులు విడుదల చేస్తే.. ఆర్థిక ఒడిదుడుకుల నుంచి ఉపశమనం లభించే అవకాశం ఉందని సింగరేణి కార్మిక, ఉద్యోగ వ ర్గాలు అంటున్నాయి. ఇప్పటికైనా ప్రభుత్వం ఆ దిశగా దృష్టి సారించాలని..

లేకపోతే ఈ బకాయిలు ఇలాగే పేరుకుపోతే.. గతంలో నెలకొన్నట్టుగానే ఆర్థిక ఇబ్బందులు సింగరేణిని చుట్టుముట్టే ప్రమాదం పొంచి ఉందని ఆయా వర్గాలు అభిప్రాయపడుతున్నాయి. రాష్ట్రంలో నిరంతర వెలుగులు విరజిమ్మేందుకు తీవ్రంగా చేయూతనిస్తున్న సింగ రేణికి.. బకాయిలను చెల్లిస్తూ.. ప్రభుత్వంకూడా చేయూతను అందించాలని కార్మిక వర్గాలు కోరుతున్నాయి.

లక్ష టన్నుల బొగ్గు.. 

రాష్ట్రంలో జెన్‌కో ఆధ్వర్యంలో మొత్తం 5,580 మెగావాట్ల సామర్థ్యంతో నడిచే థర్మల్ విద్యుత్తు కేంద్రాలు ఉన్నాయి. వీటికి కనీసం ప్రతిరోజూ.. సగటున లక్ష టన్నుల బొగ్గును సింగరేణి సంస్థ సరఫరా చేయాల్సి ఉంటుంది. ప్లాంట్ లోడ్ ఫ్యాక్టర్ (పీఎల్‌ఎఫ్) ప్రకారం 75 వేల టన్నుల నుంచి లక్ష టన్నుల వరకు బొగ్గును సరఫరా చేస్తారు. గడిచిన రెండేండ్లుగా దీనికి సంబంధించిన బిల్లులు చెల్లించడం లేదు.

ఇక సింగరేణి ఆధ్వర్యంలో మంచిర్యాల జిల్లా జైపూర్ వద్ద ఉన్న 1,200 మెగావాట్ల థర్మల్ విద్యుత్తు కేంద్రాల నుంచి ప్రతిరోజూ సగటున 22 నుంచి 25 మిలియన్ యూనిట్ల విద్యుత్తును ఉత్పత్తిచేస్తూ.. రాష్ట్ర అవసరాలకే సరఫరా చేస్తోంది. 2025-25 ఆర్థిక సంవత్సరంలో ఇప్పటివరకు 4,742 మిలియన్ యూనిట్ల విద్యుత్తును ఉత్పత్తిచేసి రాష్ట్ర అవసరాలకు సరఫరా చేసింది. ఈ విద్యుత్తుకు సంబంధించిన బిల్లులుకూడా రాష్ట్ర ప్రభుత్వం నుంచి రావడం లేదు.