1. అధికారుల ఉత్తర్వులు బేఖాతరు
2. ప్రముఖ హీరో పేరుపై ఆరోపణలు
3. విషయం హైకోర్టుకు చేరినా ఆగని పనులు

మణికొండ, నవంబర్ 2, విజయక్రాంతి: మణికొండ మున్సిపాలిటీ పరిధిలోని పంచవతి కాలనీలో ఒక భారీ అక్రమ నిర్మాణం యథేచ్ఛగా కొనసాగుతోంది. ఈ కట్టడంపై టౌన్ ప్లానింగ్, ఇరిగేషన్ శాఖలు ఆపివేయాలని స్పష్టమైన ఆదేశాలు జారీ చేసినా, నిర్మాణదారులు ఏమాత్రం లెక్కచేయడం లేదు. స్థానికుల అభ్యంతరాలను, అధికారుల ఉత్తర్వులను బేఖాతరు చేస్తూ నిర్మాణం సాగిస్తుండటం తీవ్ర విమర్శలకు దారి తీస్తోంది. పంచవతి కాలనీలో నిబంధనలకు విరుద్ధంగా ఈ నిర్మాణం జరుగుతోందని కాలనీ వాసులు మున్సిపాలిటీకి పలుమార్లు ఫిర్యా దు చేశారు.

స్పందించిన టౌన్ ప్లానిం గ్, నీటిపారుదల శాఖ అధికారులు క్షేత్రస్థాయిలో పరిశీలించి, నిర్మాణాన్ని తక్షణం ఆపివేయాలని నోటీసులు జారీ చేశారు. అయినా ఆ ఆదేశాలను పెడచెవిన పెట్టి పనులు యథావిధిగా కొనసాగిస్తున్నారు. ఈ అక్రమ నిర్మా ణం వెనుక ఒక ప్రముఖ హీరో పేరు ఉన్నట్లు ఆరోపణలు బలంగా వినిపిస్తున్నాయి. ఆయన పేరును అడ్డుపెట్టుకొని ఈ భారీ కట్టడాన్ని నిర్మిస్తున్నట్లు ము న్సిపల్ కౌన్సిల్ సభ్యులే ఆరోపిస్తున్నారు. ఈ వ్యవహారంపై కొందరు సభ్యులు ఇప్పటికే హైకోర్టును ఆశ్రయించి న్యాయస్థానంలో కేసు దాఖలు కావడం అంశం తీవ్రతను తెలియజేస్తోంది.

ఉన్నత న్యాయస్థానంలో కేసు నడుస్తున్నా, శాఖాపరమైన ఆదేశాలు ఉన్నా నిర్మాణం ఆగకపోవడంపై సర్వత్రా విస్మ యం వ్యక్తమవుతోంది. అధికార యంత్రాం గం అండదండలతోనే ఈ అక్రమం సాగుతోందని స్థానికులు ఆరోపిస్తున్నారు. ఇప్పటి కైనా ఉన్నతాధికారులు జోక్యం చేసుకుని ఈ అక్రమ నిర్మాణంపై ఉక్కుపాదం మోపాలని, బాధ్యులపై చర్యలు తీసుకోవాలని పంచవటి కాలనీ వాసులు డిమాండ్ చేస్తున్నారు.

ఇది కంప్లీట్ వాటర్ జోన్

సర్వే నెంబర్ 70, పంచవటి కాలనీలోని 2389 గజాల స్థలం ఇది. ఇది కంప్లీట్‌గా వాటర్ జోన్. ఇరిగేషన్ ఎన్‌ఓసి లేదు. అయినా సెల్లార్ ప్లస్ జీ ప్లస్ ఫైవ్ ప్లస్ అప్పర్ ఫ్లోర్కు పేరుకే ఎల్‌ఆర్‌ఎస్ పెట్టి పర్మిషన్ ఇచ్చారు. రెండు భాగాలు చేసి సెట్ బ్యాక్లు లేకుండా మొత్తం ఆనించి కట్టేసారు. సీడీఎంఏ అధికారులే ఇది వాటర్ జోన్ అని లెటర్ ఇచ్చినా పట్టించుకోలేదు. కలెక్టర్, సీడీఎంఏ, ఇరిగేషన్, మున్సిపాలిటీకి కంప్లైంట్ ఇచ్చినా చర్యలు లేవు. ఇందులో దాదాపు 10 కోట్ల అవినీతి జరిగింది. ప్రభుత్వం తక్షణమే చర్యలు తీసుకుని మున్సిపాలిటీ ఆదాయాన్ని కాపాడాలి.

 జొన్నడ సిద్దప్ప, మణికొండ మున్సిపల్ మాజీ కోఆప్షన్ మెంబెర్