భారీ వర్షాలకు కొట్టుకుపోయిన హైదరాబాద్–శ్రీశైలం హైవే

హైదరాబాద్: మోంథా తుఫాను కారణంగా కురిసిన భారీ వర్షాలతో(heavy rains) హైదరాబాద్-శ్రీశైలం హైవేలో(Hyderabad-Srisailam highway ) ఒక భాగం కూలిపోయింది. దీంతో హైదరాబాద్-శ్రీశైలం(Hyderabad-Srisailam) మార్గంలో ట్రాఫిక్ నిలిచిపోయింది. సోషల్ మీడియాలో వైరల్ అవుతున్న వీడియోలలో రోడ్డు సగానికి విరిగిపోయి ప్రయాణికులు చిక్కుకుపోయినట్లు కనిపిస్తోంది. కూలిపోయిన శిథిలాల మీదుగా దూకి దాటడానికి ప్రయత్నిస్తున్న వ్యక్తి కనిపించాడు. తెలంగాణలోని నాగర్ కర్నూల్ జిల్లాలోని లత్తిపూర్ గ్రామంలో ఈ ప్రమాదం సంభవించిందని వార్తలోస్తున్నాయి. కనెక్టివిటీని పునరుద్ధరించడానికి అధికారులు కృషి చేస్తున్నారు.

మొంత తుఫాను కారణంగా కురిసిన భారీ వర్షాల కారణంగా ఉమ్మడి వరంగల్ జలదిగ్బంధంలో చిక్కుకుపోవడంతో జనజీవనం స్తంభించింది. వరంగల్ జిల్లాలో వర్షాలకు సంబంధించిన సంఘటనల్లో ఇద్దరు వ్యక్తులు మరణించారు. వర్షాలు ఆగిపోయినప్పటికీ, వరంగల్, హన్మకొండలోని ఎక్కువ భాగం వర్షపు నీటితో మునిగిపోయింది. రహదారులు గురువారం నాలాలుగా మారడంతో వాహనాల రాకపోకలకు తీవ్ర అంతరాయం కలిగింది.  హైదరాబాద్‌లో గురువారం భారీ వర్షాలు కురిసే అవకాశం ఉందని అంచనా వేసిన భారత వాతావరణ శాఖ (IMD) ఎల్లో అలర్ట్ జారీ చేసింది.