మింగలేక మంగళారం..

శ్రీనాథ్ మాగంటి హీరోగా బాల సతీశ్ దర్శకత్వంలో తెరకెక్కిన చిత్రం ‘మెన్షన్ హౌస్ మల్లేశ్’. కనకమేడల ప్రొడక్షన్స్ బ్యానర్‌పై రాజేశ్ నిర్మిస్తున్న ఈ సినిమాలో గాయత్రి రమణ, సాయి కామాక్షి భాస్కర్ల హీరోయిన్లు. ఈ చి త్రంలో మురళీధర్‌గౌడ్, రాజ్‌కుమార్ కసిరెడ్డి కీలక పాత్రలు పోషిస్తున్నారు. మార్చి 6న ప్రేక్షకుల ముందుకు రానున్న ఈ సినిమా నుంచి ‘మింగలేక మంగళారం’ అనే పాటను మేకర్స్ గురువారం విడుదల చేశారు.

సురేశ్ బొబ్బిలి స్వరపర్చిన ఈ పాటను తరుణ్ సైదుల్ రాయగా, బిత్తిరి సత్తి ఆలపించారు. ‘మింగలేక మంగళారం అన్నట్టయ్యింది రా..’ అం టూ సాగుతున్న ఈ పాట మల్లేశ్ క్యారెక్టర్ గురించి చెబుతోంది. ఈ చిత్రానికి సంగీతం: సురేశ్ బొబ్బిలి; సాహిత్యం: రామజోగయ్య శాస్త్రి, పూర్ణాచారి, అనిరుధ్ శాండిల్య మారంరాజు, తరుణ్ సైదులు; డీవోపీ: అమ్మముత్తు; ఎడిటర్: గ్యారీ దీ.