కొల్లాపూర్ రూరల్ : ఐకాన్ స్టార్ అల్లు అర్జున్ కుటుంబసభ్యులతో కలిసి శనివారం నాగర్‌కర్నూల్ జిల్లా కొల్లాపూర్ మండలం సోమశిల పర్యాటక కేంద్రం వద్ద సందడి చేశారు. ప్రజలు తనను గుర్తించకుండా అల్లు అర్జున్ ముఖానికి మాస్క్ ధరించారు. కుటుంబ సభ్యులతో సోమశిలలోని వీఐపీ పుష్కర ఘాట్ వద్దకు కాన్వాయ్‌లో వ్యక్తిగత భద్రత సిబ్బందితో చేరుకున్నారు. అక్కడ ఏకో టూరిజం ఆధ్వర్యంలో ఏర్పాటు చేసిన లాంచీలో కొద్దిసేపు అల్లు అర్జున్ తన కుటుంబ సభ్యులతో కలిసి విహారించారు. నదిలో బోటింగ్ చేస్తూ చుట్టూ ఎత్తయినా పచ్చని కొండలు, ప్రకృతి అందాలను ఆస్వాదించారు. ఆ వెంటనే తిరిగి హైదరాబాద్‌కు బయలుదేరి వెళ్లారు.