సమ్మర్ అంటేనే అందరికి గుర్తొచ్చే పండు మామిడి. ఈ పండ్లను ఇష్టపడని వారు ఎవరూ ఉండరు. చిన్న పిల్లలు మొదలుకొని పెద్దల వరకు అందరు ఎంతో ఇష్టంతో తింటారు. దీనివల్ల అనేక ఆరోగ్య ప్రయోజనాలు కూడా ఉన్నాయి. ప్రస్తుతం మార్కెట్లో ఎక్కడ చూసినా మామిడి పండ్లు చాలా కలర్ ఫుల్‌గా కనిపిస్తున్నాయి. బాగా కనిపించే పండ్లు అన్నీ ఆరోగ్యానికి మంచివి కావు. కింది సింపుల్ టిప్స్‌తో కల్తీ మామిడి పండ్లను గుర్తించండి..

* కృత్రిమంగా పండించిన మామిడి పండ్లు కొద్దిగా మెరుస్తూ కనిపిస్తాయి. సహజంగా పండిన మామిడి పండ్ల కంటే పసుపు లేదా నారింజ రంగులో ఎక్కువగా కనిపిస్తాయి.

* కృత్రిమంగా పండించిన మామిడికాయలు కొన్ని రసాయనాలు లేదా వేరే వాసన కలిగి ఉంటాయి.

* కృత్రిమంగా పండించిన మామిడి పండ్లు సహజంగా పండిన వాటితో పోలిస్తే మృదువుగా లేదా మెత్తగా అనిపిస్తాయి.

* మామిడి పండ్లను ఒక బకెట్ నీటిలో ఉంచాలి. మామిడి పండ్లు నీటిలో మునిగిపోతే అవి సహజంగా పండినవి అని అర్థం. అవి తేలుతుంటే కృత్రిమంగా పండించినవి. 

* నీటిలో కొంచెం బేకింగ్ సోడా వేసి, మామిడి పండ్లను ఆ మిశ్రమంలో 15-20 నిమిషాలు ఉంచాలి. నానబెట్టిన తర్వాత.. మామిడి పండ్లను కడిగినప్పుడు మామిడి పండ్ల రంగు మారితే అవి రసాయనాలతో పండించినవిగా భావించాలి.