నెల నెల అధికారులకు మామూళ్లు సమర్పించుకుంటున్న రేషన్ డీలర్లు

యదేచ్చగా కొనసాగిస్తున్న అక్రమ రేషన్ బియ్యం దందా

క్షేత్రస్థాయి అధికారుల నుంచి ఉన్నతాధికారుల వరకు తెలిసిన పట్టించుకోని వైనం

తాజాగా కామారెడ్డి జిల్లా దుర్కి వద్ద పట్టుబడిన 12 టన్నుల రేషన్ బియ్యం

డీసీఎం వ్యాన్ లో తరలిస్తుండగా పట్టుకున్న అధికారులు

కామారెడ్డి,(విజయక్రాంతి): పేద ప్రజలకు సన్నబియ్యం అందించాలని సదుద్దేశంతో రాష్ట్ర ప్రభుత్వం నిరుపేదలైన తెల్ల రేషన్ కార్డు కలిగిన వారికి ప్రతి నెల ఉచితంగా రేషన్ బియ్యాన్ని ప్రభుత్వం అందిస్తుంది. కామారెడ్డి జిల్లాలో 761 రేషన్ షాపులు, డీలర్లు ఉన్నారు. ప్రతి నెల లక్షల క్వింటాళ్ల రేషన్ బియ్యం రేషన్ షాపుల్లోకి చేరుతుంది. అర్హులైన పేద ప్రజలకు రేషన్ బియ్యం అందించడంలో రేషన్ డీలర్లు కక్కుర్తి పడుతున్నారు. ప్రభుత్వ అధికారుల అండదండలు నెల నెల అధికారులకు ముట్ట చెపుతున్న మామూళ్లకు అలవాటు పడిన అధికారులు చూసి చూడనట్లుగా వ్యవహరిస్తూ రేషన్ అక్రమ బియ్యం చీకటి దందా వ్యాపా రానికి జిల్లాలో ప్రోత్సహిస్తున్నారని ఆరోపణలు వినిపిస్తున్నాయి.

అధికారులు మాత్రం ఫిర్యాదులు రావడం లేదంటున్నారు. ప్రతినెల లక్షల కింటల రేషన్ బియ్యం పక్కదారి పడుతుంది. దీనికి మూల కారణం పేద ప్రజలందరూ రేషన్ బియ్యాన్ని తీసుకోకపోవడంతో పాటు రేషన్ డీలర్లకి బియ్యాన్ని తక్కువ ధరకు విక్రయిస్తున్నారు. ఇదే అదనంగా భావిస్తున్న రేషన్ డీలర్లు ప్రతినెల లక్షల కింటల్లా రేషన్ బియ్యం ఆక్రమ దందాను కొనసాగిస్తున్నారు.

రేషన్ బియ్యాన్ని రైస్ మిల్లర్లకు తరలిస్తూ సొమ్ము చేసుకుంటున్నారు. మళ్లీ అదే బియ్యం రేషన్ డీలర్ల వద్ద నుంచి రైస్ మిల్లర్ వద్దకు చేరుకుంటున్నాయి. ప్రతి నెల ఎక్కడో ఒకచోట నామ మాత్రం తనిఖీలు చేసి ఫిర్యాదులు వస్తేనే పౌరసరపరలా అధికారులు, రెవెన్యూ అధికారులు నామమాత్రం కేసులు చేస్తూ చేతులు దులుపుకుంటున్నారు. ప్రతి నెల లక్షల టన్నుల రేషన్ బియ్యం పక్కదారి పడుతున్న అధికారులు మాత్రం తమకేమీ తెలియడం లేదంటూ లోపాయి గారి ఒప్పందం రేషన్ డీలర్లు అధికారులతో చేసుకొని దర్జాగా రేషన్ బియ్యం అక్రమ రవాణా చేస్తున్నారు.

ప్రతి నెల రేషన్ బియ్యం చీకటి దందా

కామారెడ్డి జిల్లాలో రేషన్ అక్రమ బియ్యం తరలింపు ప్రతినెల కొనసాగుతుంది. రేషన్ డీలర్ అధికారులతో కుమ్మకై రైస్ మిల్ వ్యాపారులకు విక్రయిస్తున్నారు. కొంతమంది పేద ప్రజలు రేషన్ బియ్యం తీసుకోకుండా  రేషన్ డీలర్లకి తక్కువ ధర కు విక్రయిస్తున్నారు. 

అధికారుల అండదండలు, అక్రమ దందాను కొనసాగిస్తున్న రేషన్ డీలర్లు, ప్రభుత్వం ఎన్ని పగడ్బందీ చర్యలు తీసుకుంటున్న అధికారులు

రేషన్ డీలర్లకు అనధికారికంగా ప్రోత్సహిస్తుండడంతో దర్జాగా అక్రమ రేషన్ బియ్యం దందాను రేషన్ డీలర్లు కొనసాగిస్తున్నారు. ప్రతి నెల అధికారులకు ముడుపులు ముట్టజెప్పి అక్రమ రేషన్ బియ్యం దందను చేపడుతున్నారని బహిరంగంగా చర్చలు కొనసాగుతున్న ఏదే జగ రేషన్ డీలర్లు ప్రతినెల అక్రమ oగ రేషన్ బియ్యంను రైస్ మిల్లర్లకు అమ్ముకుంటున్నారు. పెద్ద ఎత్తున డీలర్లు సొమ్ము చేసుకుంటున్నారు. నెల నెల అధికారులకు మామూలు ముట్టజపుతుండడంతో అధికారులు చూసి చూడనట్లుగా వ్యవహరిస్తున్నారు.

12టన్నుల రేషన్ బియ్యం పట్టివేత

కామారెడ్డి జిల్లా బాన్సువాడ మండలంలోని దుర్కి చౌరస్తా వద్ద సోమవారం తెల్లవారుజామున 12 టన్నుల రేషన్ బియ్యం  డిసిఎంలో గాంధారి మండలం నుంచి కోటగిరికి రైస్ మిల్క్ తరలిస్తుండగా పోలీసులు పట్టుకున్నారు. పక్కా సమాచారం రావడంతోనే పోలీసులు సాహసం చేశారని ప్రచారం జరుగుతుంది. మరోవైపు పోలీస్ ఉన్నతాధికారి జిల్లా ఎస్పీ రాజేష్ చంద్ర అక్రమ వ్యాపారాలకు అడ్డుకట్ట వేయాలని స్థానిక పోలీస్ అధికారులను ఆదేశించారు.

ఉమ్మడి జిల్లా రేషన్ బియ్యం కోటగిరిలోని రైస్ మిల్లుల కేనా...?

కామారెడ్డి, నిజాంబాద్ ఉమ్మడి జిల్లాలోని రేషన్ డీలర్లు, మరికొందరు వ్యాపారులు  రేషన్ బియ్యాన్ని డీలర్ రా వద్ద లబ్ధిదారుల వద్ద కొనుగోలు చేసి డీసీఎంలు లారీలలో కోటగిరి లోని రైస్ మిల్లులకు తరలించి అమ్ముకుంటున్నారు. ఇటీవల పోలీసులు పలు దాడులు చేసినప్పుడు లక్షల క్వింటాళ్ల రేషన్ బియ్యం పట్టుబడిన విషయం విధితమే.

అధికారుల అండ దండలే రేషన్ బియ్యం అక్రమ దందాకు ఊపిరి

కామారెడ్డి, నిజామాబాద్ జిల్లాలోని రేషన్ డీలర్ లు కొందరు అక్రమ రేషన్ బియ్యం దందాను కొనసాగిస్తున్నారు. మరికొందరు రైస్ మిల్లర్లు హైదరాబాద్ నుంచి రేషన్ బియ్యాన్ని తరలిస్తున్నారు. ఎన్ని కేసులు అయినా కూడా పట్టించుకోవడం లేదు. అధికారుల అండదండలు స్థానిక అధికారుల ప్రోత్సాహం ఉండడంతో ఏమి కాదని ఉద్దేశంతో రేషన్ అక్రమ బియ్యం దందా ను కొనసాగిస్తున్నారు.