30-11-2025 01:14:19 AM
సినిమా కథ నచ్చి, తన పాత్రకు తగిన ప్రాధాన్యం ఉంటే తప్ప స్క్రిప్టును ఓకే చేయని సాయిపల్లవి ఇప్పుడు ఓ ప్రతిష్టాత్మక సినిమాకు సైన్ చేసింది. ఆ సినిమా ఏదో కాదు.. సూపర్స్టార్ రజనీకాంత్ నటిస్తున్న 173వ సినిమా. ‘పార్కింగ్’ సినిమాతో విమర్శకులను సైతం మెప్పించిన రామ్కుమార్ బాలకృష్ణన్ దర్శకత్వంలో ఈ సినిమా రూపొందనుంది. ఆయన ఇటీవలే సాయిపల్లవిని కలిసి కథ వినిపించారని, కథ విన్న వెంటనే ఆమె గ్రీన్సిగ్నల్ ఇచ్చారని సమాచారం.
సినిమాల ఎంపిక విషయంలో ఆచితూచి వ్యవహరించే ఈ భామ.. కథ విన్న వెంటనే ఓకే చేసిందంటే అది ఎంత గొప్ప కంటెంట్ ఉన్న సినిమానో ఇట్టే అర్థం చేసుకోవచ్చు. ఇన్నాళ్లూ తన జనరేషన్ హీరోలతోనే నటించిన సాయిపల్లవి.. తొలిసారి రజనీకాంత్ వంటి సీనియర్ హీరోతో నటించే ఛాన్స్ అందుకోవడం కోలీవుడ్లో చర్చనీయాంశమైంది. ఇందులో సాయిపల్లవి పాత్ర చాలా శక్తిమంతంగా ఉంటుందని టాక్. ఆమెతోపాటు వెర్సటైల్ డైరెక్టర్ కదిర్ కూడా ఇందులో ఓ కీలక పాత్రలో కనిపిస్తారని సమాచారం. ఈ ప్రాజెక్టుకు సంబంధించి పూర్వ నిర్మాణ పనులు ఇప్పటికే ప్రారంభమయ్యాయి.
రజనీకాంత్ ఇమేజ్కు తగ్గట్టుగా రూపుదిద్దుకోనున్న ఈ మాస్ ఎంటర్టైనర్కు అనిరుధ్ రవిచంద్ర సంగీత సారథ్యం వహిస్తున్నారు. సాయిపల్లవి మిగతా సినిమాల విషయానికొస్తే.. ఆమె బాలీవుడ్లో ఆమిర్ఖాన్ కొడుకు జునైద్ ఖాన్తో ఓ సినిమాలో నటిస్తోంది. ‘మేరే రహో’ అనే టైటిల్తో రూపొందుతున్న ఈ చిత్రానికి సునీల్ పాండే దర్శకత్వం వహిస్తున్నారు. ఈ సినిమా డిసెంబర్ 12న ప్రేక్షకుల ముందుకు రానుంది.
దర్శకుడు నితేశ్ తివారీ భారీ తారాగణంతో తెరకెక్కిస్తున్న ‘రామాయణ’లోనూ సాయిపల్లవి నటిస్తోంది. ఆమె ఇందులో సీత పాత్రలో నటిస్తుండగా, రణబీర్ కపూర్ రాముడి పాత్రలో కనిపించనున్నారు. మొత్తం రెండు భాగాల్లో రూపొందుతున్న ఈ సినిమా తొలిభాగం 2026 దీపావళికి, సెకండ్ పార్ట్ 2027 దీపావళికి ప్రేక్షకుల ముందుకు రానుంది.