ఆరోగ్య రక్షణలో కొత్త అధ్యాయం: హోంగార్డులకు భీమా అవగాహన”

జిల్లా ఎస్పీ రావుల గిరిధర్

వనపర్తి క్రైమ్: యాక్సిస్ బ్యాంక్‌తో ఆరోగ్య బీమా అవగాహన కార్యక్రమం జిల్లా పోలీసు కార్యాలయంలో శనివారం నిర్వహించిన ప్రత్యేక సమావేశంలో జిల్లా ఎస్పీ రావుల గిరిధర్, ఐపీఎస్, హోంగార్డుల సంక్షేమాన్ని దృష్టిలో ఉంచుకొని ఆరోగ్య బీమాపై అవగాహన కార్యక్రమాన్ని నిర్వహించారు. యాక్సిస్ బ్యాంక్ మేనేజర్ హెల్త్ ఇన్సూరెన్స్ పథకాల గురించి వివరంగా చెప్పగా, పోలీసు కుటుంబాల ఆరోగ్య భద్రతను బలోపేతం చేసే మార్గాలపై ఎస్పీ ప్రతిపాదనలు చేశారు.

ఈ సందర్బంగా ఎస్పీ మాట్లాడుతూ.. పోలీసు వ్యవస్థలో అత్యంత ముఖ్య భూమిక పోషించే హోంగార్డులు ఆరోగ్యంగా, ఆర్థికంగా భద్రంగా ఉండటం మా మొదటి బాధ్యత.. సేవలో నిమగ్నమయ్యే సమయంలో ఎలాంటి అనారోగ్య సమస్య వచ్చినా, ఆరోగ్య భీమా మీకు రక్షణ కవచంలా నిలుస్తుంది. చిన్న సమస్యలు పెద్ద భారం కాకుండా ముందుగానే భీమా తీసుకోవడం ద్వారా కుటుంబాల భవిష్యత్తు పదిలమవుతుంది. మీ ఆరోగ్యం- మీ కుటుంబ ఆనందం. అందరికీ పూర్తి అవగాహనతో, నిర్భయంగా ఆరోగ్య భీమా తీసుకొని భద్రతను పెంపొందించుకోవాలని జిల్లా ఎస్పీ పేర్కొన్నారు. ఈ కార్యక్రమంలో రిజర్వ్ ఇన్స్పెక్టర్, అప్పల నాయుడు, బ్యాంక్ అధికారులు, హోంగార్డ్ సిబ్బంది, తదితరులు పాల్గొన్నారు.