మంచిర్యాలలో ఇంటర్మీడియట్ విద్యార్థి ఆత్మహత్య

హైదరాబాద్:  ఇంటర్మీడియట్ పరీక్ష(Intermediate Student) ఫలితాలు సోమవారం ప్రకటించిన తర్వాత ఒక సబ్జెక్టులో ఫెయిల్ అయినందుకు నిరాశకు గురైన 16 ఏళ్ల బాలిక ఆత్మహత్య చేసుకుంది. పోలీసులు తెలిపిన వివరాల ప్రకారం, మంచిర్యాల జిల్లా(Mancherial District) నస్పూర్ మండల కేంద్రంలోని జయశంకర్ కాలనీకి చెందిన ఇంటర్మీడియట్ ద్వితీయ సంవత్సరం చదువుతున్న అక్షయ, తల్లిదండ్రులు ఇంట్లో లేని సమయంలో ఉరి వేసుకుని ఆత్మహత్య చేసుకుంది. గణితం పేపర్‌లో విఫలమైన తర్వాత ఆమె నిరాశకు గురైనట్లు సమాచారం. ఆమె తల్లిదండ్రులు తిరిగి వచ్చేసరికి అక్షయ పైకప్పుకు వేలాడుతూ కనిపించి వెంటనే పోలీసులకు సమాచారం అందించారు. స్థానికుల సమాచారంతో సంఘటనా స్థలానికి చేరుకున్న పోలీసులు కేసు నమోదు చేసుకుని మృతదేహాన్ని పోస్టుమార్టం నిమిత్తం మార్చురీకి తరలించారు. అనంతరం కేసు దర్యాప్తు చేస్తున్నామని పోలీసులు పేర్కొన్నారు.

ఇంటర్మీడియట్ సప్లిమెంటరీ పరీక్షల్లో ఫెయిల్.. ఇద్దరు విద్యార్థులు ఆత్మహత్య 

సిద్దిపేట జిల్లా అక్కన్న పేట మండలం దాస్ తండాకు చెందిన గుగులోత్ హారిక(17) ఇంటర్ మొదటి సంవత్సరంలో బాటనీ పరీక్ష ఫెయిల్ అయి సప్లిమెంటరీ రాయగా అందులోనూ ఫెలయిల్ అవ్వడంతో ఉరేసుకుని ప్రాణాలు తీసుకుంది. అటు సంగారెడ్డి రెడ్డి జిల్లా రాయికోడ్ మండలం మహాబత్ పూర్ గ్రామానికి చెందిన వెంకటరమణ(18) ఇంటర్ సెకండ్ ఇయర్ లో ఫెయిల్ కావడంతో, సప్లిమెంరీ పరీక్షలు రాశాడు. నిన్న విడుదలైన ఫలితాల్లో ఒక్క సబ్జెట్ ఫెయిల్ కావడంతో మనస్థాపంతో ఉరేసుకుని ఆత్మహత్య చేసుకున్నాడు.