1. ఇజ్రాయెల్ కు చమురు నిలిపివేస్తాం
2. ఇజ్రాయెల్ పై ఇరాన్ కీలక వ్యాఖ్యలు 

టెహ్రాన్: ఇజ్రాయెల్(Israel)పై ఇరాన్ కీలక వ్యాఖ్యలు చేసింది. ఇజ్రాయెల్‌తో జరిగిన వివాదంలో(israel iran war) అమెరికా ప్రమేయానికి ప్రతీకారంగా, ప్రపంచంలోని అత్యంత కీలకమైన చమురు రవాణా చోక్‌పాయింట్‌లలో ఒకటైన హార్ముజ్ జలసంధిని(Hormuz) మూసివేయవచ్చని ఇరాన్ హెచ్చరించింది. ప్రపంచవ్యాప్తంగా 20 శాతం చమురు హర్మూజ్ ద్వారానే రవాణా అవుతూందని ఇరాన్(Iran) సూచించింది. లిక్విఫైడ్ నేచురల్ గ్యాస్ రవాణా కూడా జలసంధి ద్వారానే జరుగుతుందని ఇరాన్ తెలిపింది. "జియోనిస్టులకు (ఇజ్రాయెల్) మద్దతుగా అమెరికా అధికారికంగా కార్యాచరణపరంగా యుద్ధంలోకి ప్రవేశిస్తే, అమెరికా, పాశ్చాత్య దేశాలపై వారి చమురు వాణిజ్యం రవాణా సౌలభ్యాన్ని దెబ్బతీసేందుకు ఒత్తిడి తీసుకురావడం దృష్ట్యా అది ఇరాన్చట్టబద్ధమైన హక్కు" అని ఇరాన్ సీనియర్ శాసనసభ్యుడు అలీ యాజ్దిఖా(Iranian lawmaker Ali Yazdikhah) తెలిపారు.

ఇరాన్ తన శత్రువులకు ప్రతిస్పందించడానికి అనేక ఎంపికలు ఉన్నాయని పార్లమెంటు జాతీయ భద్రతా కమిటీ ప్రెసిడియం(Presidium of the National Security Committee of the Parliament) సభ్యుడు బెహ్నామ్ సయీది చెప్పినట్లు తెలిసింది. అందులో ఒకటి హార్ముజ్ జలసంధిని మూసివేయడం. ఇరాన్ అణు కేంద్రాలపై సైనిక దాడులకు ఆదేశించడానికి అధ్యక్షుడు డొనాల్డ్ ట్రంప్(President Donald Trump) దగ్గరగా వస్తున్నట్లు వార్తలు వస్తున్న తరుణంలో అధికారులు ఈ చర్చలు జరిపారు. హోర్ముజ్ జలసంధి(Strait of Hormuz) అనేది పెర్షియన్ గల్ఫ్‌ను ఒమన్ గల్ఫ్ -అరేబియా సముద్రంతో కలిపే ఇరుకైన జలమార్గం. దాని ఇరుకైన ప్రదేశంలో, జలసంధి దాదాపు 21 మైళ్ల వెడల్పు ఉంటుంది, రెండు దిశలలో రెండు మైళ్ల వెడల్పు ఉన్న రెండు షిప్పింగ్ లేన్‌లు ఉంటాయి. ఈ జలసంధి ప్రపంచ చమురు వాణిజ్యంలో దాదాపు 26 శాతం నిర్వహిస్తుంది. ఇది ప్రపంచంలోని అత్యంత వ్యూహాత్మకంగా ముఖ్యమైన సముద్ర మార్గాలలో ఒకటిగా నిలిచింది. జలసంధి గుండా ప్రవాహాలకు ఏదైనా అంతరాయం ఏర్పడితే అది ప్రపంచ చమురు మార్కెట్లపై గణనీయమైన పరిణామాలను కలిగిస్తుందని అంతర్జాతీయ ఇంధన సంస్థ పేర్కొంది.