స్టార్ హాస్పిటల్స్‌లో ఎండోస్కోపిక్ ప్రక్రియతో రెక్టాల్ ప్రొలాప్స్ తొలగింపలు

హైదరాబాద్, జనవరి 3 (విజయక్రాంతి): హైదరాబాద్ నానక్‌రామ్‌గూడలోని స్టార్ హాస్పిటల్స్ వైద్యులు 56 ఏళ్ల పురుష రోగిలో పెద్ద రెక్టా ప్రొలాప్స్ (మల ద్వారంలో పెరిగిన కణితి) తొలగించడానికి ఎండోస్కోపిక్ సబ్మ్యూకోసల్డిసెక్షన్ (ఈఎస్‌డీ) అనే అధునాతన కనిష్ట ఇన్వాసివ్ ప్రక్రియను విజయవంతంగా నిర్వహించింది. దీనివల్ల రోగికి పెద్ద శస్త్రచికిత్స అవసరం లేకుండా పోయింది. వేగంగా కోలుకోవడానికి సహాయపడింది. మలంలో రక్తం పడటంతో సదరు రోగి చికిత్స కోసం వచ్చారు. కణితిపరిమాణం పెద్దదిగా ఉండటంతో, మొదట శస్త్రచికిత్స ద్వారా దానిని తొలగించాలని భావించారు.

సీటీ స్కాన్, రెక్టల్ ఎండోస్కోపిక్ అల్ట్రాసౌండ్ (ఈయూఎస్) ఉపయోగించి సమగ్ర మూల్యాంకనం నిర్వహించబడింది. ఈ పరీక్షలలో సుమారు 3 సెంటీమీటర్ల పరిమాణంలో ఉన్న పెద్ద రెక్టల్పాలిప్ ఉన్నట్లు తేలింది. ఇది రెక్టల్ గోడలోని రెండవ, మూడవ పొరల నుంచి ఉద్భవించినట్లు, కండరాల పొరలోకి చొచ్చుకుపోలేదని, వ్యాధి వ్యాప్తి లక్షణాలు లేవని నిర్ధారించారు. ఈ ఫలితాల ఆధారంగా, వైద్య బృందం ఎండోస్కోపిక్సబ్మ్యూకోసల్డిసెక్షన్ (ఈఎస్‌డీ) నిర్వహించాలని నిర్ణయించింది.

ఇది ఓపెన్ సర్జరీ అవసరం లేకుండా సంక్లిష్టమైన కణితులను ఖచ్చితంగా తొలగించడానికి వీలు కల్పించే ఒక ప్రత్యేక ఎండోస్కోపిక్ సాంకేతికత. ఈ ప్రక్రియ ఎటువంటి సమస్యలు లేకుండా విజయవంతంగా పూర్తయింది. ఇది డే-కేర్ (ఓపీడీ) ప్రాతిపదికన నిర్వహించబడింది. రోగిని అదే రోజున డిశ్చార్జ్ చేశారు. 48 గంటల తర్వాత, తదుపరి 7-8 రోజులలో నిర్వహించిన ఫాలో-అప్‌లో ఎటువంటి శస్త్రచికిత్స అనంతర సమస్యలు లేవని తేలింది.

హైదరాబాద్ స్టార్ హాస్పిటల్స్ గ్యాస్ట్రోఎంటరాలజీ సీనియర్ కన్సల్టెంట్ డాక్టర్ వై. రామిరెడ్డి మాట్లాడుతూ.. ఈ రోగికి మొదట పెద్ద శస్త్రచికిత్స అవసరమని భావించారు, దీనివల్ల ఖర్చు పెరగడమే కాకుండా ఎక్కువ కాలం ఆసుపత్రిలో ఉండాల్సి వచ్చేది. ఎండోస్కోపిక్ అల్ట్రాసౌండ్ నిర్వహించిన తర్వాత, ఆ కణితి పరిమితంగా ఉందని, దానిని ఎండోస్కోపిక్ పద్ధతిలో సురక్షితంగా తొలగించవచ్చని మేము నిర్ధారించాము.

సరైన అంచనా మాకు అత్యంత ప్రభావవంతమైన మరియు కనిష్ట ఇన్వాసివ్ చికిత్సను ఎంచుకోవడానికి సహాయపడింది, అని అన్నారు. ఆంకాలజీ విభాగానికి చెందిన డాక్టర్ భరత్ కుమార్ పల్లె అందించిన సహకారాన్ని హాస్పిటల్ అభినందించింది.

వ్యాధి దశను బట్టి తగిన చికిత్సను ఎంచుకోవడానికి అధునాతన ఎండోస్కోపిక్ ప్రక్రియలు దోహదపడతాయని డాక్టర్ వై. రామిరెడ్డి నొక్కి చెప్పారు.