ఖానాపూర్ (విజయక్రాంతి): నిర్మల్ జిల్లా ఖానాపూర్ మున్సిపాలిటీలో ఆదివారం మహారాష్ట్ర ముంబై పట్టణానికి చెందిన ఇస్కాన్ సంస్థ సభ్యులు నగర సంకీర్తన చేపట్టారు. పట్టణ పురవీధుల గుండా సంస్థ సభ్యులు హరే కృష్ణ నామ స్మరణలతో ప్రచారం చేశారు. ఆదివారం పట్టణంలో సంత ఉన్నందున వీరి ప్రచారాన్ని పలువురు ఆసక్తిగా తిలకించారు. ఇంటర్నేషనల్ సొసైటీ ఫర్ కృష్ణ కాల్షియస్నెస్ ఆధ్వర్యంలో జరిగిన ఈ కార్యక్రమాన్ని స్థానికులు ఆసక్తిగా తిలకించారు. ఆసక్తి కలిగిన వారికి సభ్యులు భగవద్గీత పుస్తకాలను అందించారు. స్థానిక భక్తులు పలువురు వారిని ఆదరించి విరాళాలు నగదు రూపంలో అందించారు.