జిల్లా అదనపు కలెక్టర్ చంద్రయ్య

మంచిర్యాల టౌన్, నవంబర్ 30: విద్యార్థులు ఇష్టపడి చదివితే ఎంచుకున్న లక్ష్యాన్ని సాధించడం సులభతరమవుతుందని జిల్లా అదనపు కలెక్టర్ (రెవెన్యూ) పి.చంద్రయ్య అన్నారు. ఆదివారం జిల్లా కేంద్రంలోని షె డ్యూల్ కులముల బాలికల కళాశాల, సంక్షేమ వసతి గృహాన్ని జిల్లా షెడ్యూల్ కులముల అభివృద్ధి శాఖ ఉపసంచాలకులు చాతరాజుల దుర్గాప్రసాద్ తో కలిసి సందర్శించి పరిశీలించారు. ఈ సందర్భంగా ఆయన మాట్లాడుతూ విద్యార్థులు తాము ఎంచుకున్న కోర్సులను ఇష్టపడి చదివి ఉన్నత స్థానాలకు చేరుకోవాలని కోరారు.

ప్రభుత్వం విద్యా వ్యవస్థను బ లోపేతం చేస్తూ విద్యార్థులకు సకల సదుపాయాలతో కూడిన నాణ్యమైన విద్యను అం దిస్తుందని, విద్యార్థులు ఈ అవకాశాన్ని సద్వినియోగం చేసుకోవాలన్నారు. అనంతరం విద్యార్థులకు దుప్పట్లు పంపిణీ చేశారు. ఈ కార్యక్రమంలో సహాయ షెడ్యూల్ కులాల అభివృద్ధి అధికారి కె. ధర్మానంద్ గౌడ్, వసతి గృహ సంక్షేమ అధికారి చందన పాల్గొన్నారు.